Description
Unsa man ang gayud ang imong mga nahibal-an bahin sa Islam?
Pasiug-da o Intro
Ang Islam usa sa labing dako nga relihiyon sa tibook kalibutan, apan usa usab kini sa labing wala gayud masabtan. Tungod sa nagkalain-laing mga rason - ma politikal man, ekonomikanhon, mapihigon o dili patas nga media o kahadlok sa "uban pa" - ka mga sayop nga kamatuoran ug sayop nga pagtuo mikaylap mahitungod sa Islam. Ang yawe sa pagsabut sa Islam ug Muslim mao ang pagbatok sa mga stereotype ug pagsusi sa matag sitwasyon sumala sa mga pagtulun-an sa Islam ug matinud-anun nga mga tinubdan.
Sayop nga panghuna-huna o Pagtuo 1 - "Ang mga Muslim Dili Magpaambit sa mga Maayo ug Halangdon nga mga Mithi sa mga dili Muslim"?
"Ang labing maayoo makapahimo-ot taliwala kaninyo mao ang kadtong mga adunay pinaka-maayong pamatasan ug kinaiya." - Propeta Muhammad (ang kalinaw maanaa kaniya
Ang ubang mga katawhan nag-ingon nga ang mga bili o balor sa Islam sa usa ka paagi dili mi-uyon sa pagka-disente sa mga bili sa "Kasadpang" o ‘’Western Values’’. Ang ingon nga mga pag-angkon dili mahimong halayo sa kamatuoran.
Gimahal sa mga Muslim ang halangdon ug unibersal nga mga mithi o balor sama sa:
l Ang pagka-matinuoron ug matarong
l Pagtuman sa usa ka pulong o panumpa
l Pagtugot sa Kaluwasan ug Relihiyon
l Pagrespeto sa mga ginikanan, paryente, silingan, ug ang mga tiguwang o mga edaran.
l Ang pagkamahinatagon, matabangon, ug pirmi naga-atiman sa mga kabus ug timawa.
l Ang pag-atiman ug akatar sa ilang mga silingan
l Dili mamakak o dili bakakon, pagpamalikas ug pagpang-libak kang maski kinsa.
Ang mga Muslim gikinahanglan sa pagtampo og positibo ngadto sa katilingban ug sa kanunay nga paggawi sa ilang mga kaugalingon uban sa labing taas nga moral ug labing maayo nga mga aksyon.
Sayop nga Pagtuo- 2 – “Ang mga Muslim Nagsimba sa Bag-ong Diyos nga Gitawag ug Allah”
Ang mga Muslim nagasimba sa samang Diyos nga gisimba ni Propeta Noe, Abraham, Moises ug Hesus.
Ang pulong nga "Allah" mao lamang ang yano nga Arabikong pulong nga ngalan sa Makagagahum nga Diyos - usa ka Arabiko nga pulong nga puno o daghang mga pasabot o kahulugan, nga nagasugyot sa usa ug bugtong nga Diyos. Ang Allah mao ra usab ang pulong nga gigamit sa mga Kristiyano ug mga Hudio nga nagasultig Arabiko nga pulong nga pagtumong sa Diyos.
Apan Bisan pa, maski mga Muslim, Hudyo ug Kristiyano nagatuo sa parehas nga Diyos (ang Magbubuhat), ang ilang mga konsepto bahin Kaniya manag-lahi. Panan-litan, gisalikway sa mga Muslim ang ideya nga ang Diyos adunay kapares
o kabahin sa 'trinidad', ug gipahinungod ang kahingpitan ngadto sa Diyos, ang Labing makagagahum.
Sayop nga Paghunahuna- 3: - "Gitugotan sa Islam ang Terorismo"?
Ang media kasagaran nagahulagway sa bisan kinsa nga Muslim nga nakig-bisog isip usa ka terorista, bisan pa man kong sila nakig-away sa makiangayon o dili makiangayon, o kon sila nagadaugdaug sa uban o din-aug.
Sa gyera, ang pagpuntirya sa mga inosente nga dili parte sa kagubot o gyera, usa kini ka talamayon nga buhat nga klarong gidili sa Islam. Sa pagkatinuod, ang mga Muslim dili tugotan
sa pagguba sa mga tanom ug mga mananap nga wala kinahanglana, labi na ang mga inosenteng tawo. Bisan pa, hinungdanon ang pag-ila tali sa terorismo ug lehitimong pagsukol sa trabaho, tungod kay ang duha lahi kaayo.
Ang Quran klaro nga nagapasabot kung unsa kaseryoso ang pagpatay sa mga inosenteng tao ug unsa ang silot sa maong pag-patay, ug gina-pasiugda niini kung unsa ka bililhon ang kinabuhi sa tawo.
“Kon si bisan kinsa man makapatay ug inosenteng tawo, mahimo kining pareho lang nga gipangpatay niya ang tibook katawhan. Ug kong adunay may si kinsa nga magluwas sa usa ka tawo kini maingon nga iyang giluwas ang tibuok katawhan.” Quran 5:32
Sayop nga Pagtuo o haka-haka - 4: – “Ang Islam Ginadaugdaug ang mga Kababayen-an”?
Sa Islam, ang mga lalakin-an ug mga babayen-an gilantaw o gi-ilhan ug pantay-pantay ug managsama ra sa atubangan sa Ginoong Diyos, maingon nga managsama ra usab ang ilang madawat nga ganti ug tulubagon sa ilang mga aksyon. Ang bugtong butang nga maoy magpalahi sa mga katawhan, mao ang panan-aw sa Dios kanila magadepende sa antas o lebel sa ilang pagkadiosnon o pagkarelehiyoso.
"Sa pagkatinuod, ang labing dulunggon kaninyo sa mata o panan-aw ni Allah, katong mga labing mahunahunaon o pirming nagapamalandong sa Ginoong Diyos. " Quran 49:13
Kini nga bersikulo nagapamatuod nga ang tinuod nga kadungganan ug kahimtang sa kinabuhi dili makab-ot tungod kay ang usa ka tawo adunahan o kabus, itom o puti, lalaki o babaye, apan makab-ot lamang pinaagi sa pagkadiyosnon ug pagkamasimbahon.
Si Allah, ang Magbubuhat sa mga lalaki ug babaye, siya nagahatag ug lain-laing mga tahas ug mga responsibilidad para sa usag-usa 0 matag usa, sa pag- konsiderar sa ilang mga kalainan.
Ang mga kababayen-an gihatagan ug hataas o tumang pagtahod ug dungog, sama sa katungod sa patas nga suweldo, pagpili sa kapikas, pagtinguha sa edukasyon, ug katungod sa diborsiyo ug mga kabilin o amana.
Sa ikasubo, adunay pipila nga mga kababayen-ang Muslim nga dinaaug-daug ug wala gihatan sa ilang mga katungod. Dili kini sala sa Islam. Ang problema mao nga sa pipila ka mga nasud, ang mga katawhan nagasunod sa ilang mga na-andang kultural nga mga gawi ug mga tradisyon nga walay kalabotan sa Islam.
Sayop nga Pagtuo -5: - "Ang Quran usa lamang ka Kasaysayan o Balaknong libro’’
Ang Quran mao ang balaanug literal nga mga pulong sa Diyos nga Labing makagagahum, nga gipadayag ngadto kang Propeta Muhammad (ang kalinaw maanaa kaniya), pinaagi kang anghel Gabriel. Kini mao ang usa ka sukdanan sa kamatuoran, nga adunay o gadalag mga giya alang sa katawhan alang sa ilang inadlaw adlaw nga panginabuhi. Ang Quran nagahisgot o nagapunterya sa mga leksyon gikan pa sa nangaging mga henerasyon ug sa kasaysayan sa mga Propeta aron kita makakat-on gikan sa ilang mga kasinatian ug mga na-agian. Kini dugang nga nagatudlo kanato mahitungod sa atong kaugalingon ug sa atong relasyon sa Magbubuhat, maingon man usab sa katuyoan nagnong kita nabuhi , kay alang lamang ilhon ug pagasimabhon lamang ang nag-inusarang Diyos.
Wala gimugna sa Ginoo ang katawhan nga sa walay mga tumong ug tinguha. Ang pagsulay sa pagtuo sa usa ka tawo mao ang paggamit sa iyang kaugalingong salabutan o alimpatakan, gawasnong pagbuot ug panghuna-huna ug mga abilidad sa pagpangatarungan ug sa pagpamalandong ug pag-ila sa mga timailhan sa Diyos - usa sa labing dako nga mga timailhan mao ang Quran.
Ang Quran adunay mga sulod niini nga daghang mga milagro, aron maingon nga kita wala nay pagadudahan mahitungod o bahin sa pagkamatuod niini.
Ang labing maayo nga pam-aagi aron mahibal-an kung unsa gayud katinu-od nga bahin sa Quran, mao ang pagbasa niini kinaugalingong pagbasa.
Sayop nga Pagtuo- 6: - "Ang Hijab Madaugdaugon’’?
Sa pag-obserbar sa hijab, ang mga Muslim nga kababayen-an gikinahanglan nga magtabon sa ilang lawas o awra sa mga sinina nga dili magpakita o dili maklaro ang ilang mga dagway o panagway atubangan sa dili nila suod o dili paryente nga mga kalalakihan. Bisan pa man, ang hijab dili lamang mahitungod sa pang-gawas nga panagway; mahitungod usab kini sa halangdong sinultihan, kaligdong, ug panggawi nga maana-ay dignidad.
Bisan pa man nga adunay daghang mga kaayohan makuha sa hijab, maoy hinungdan o susi nga nga aron ang mga kababayen-ang Muslim nag-obserbar sa hijab, tungod kay kini usa ka mando gikan sa Allah (Diyos), ug Allah ang labing nnasayud kung unsa ang labing makaayo alang sa Iyang mga binuhat.
Ang hijab nagahatag gahum sa mga kababaehan pina-agi sa iyang espirituhanong katahum ug alindog, kaysa sa iyang taphaw o peke nga panagway. Nagahatag kini sa mga kababayen-an og dakong kagawasan nga mahimong aktibong meyembero sa ilang katilingban, samtang nagapabilin ang ilang kaligdong.
Ang hijab wala nagsimbolo sa pagkumkum, pagdaugdaug o pagkahilom. Hinunon kini maoy usa ka magbalantay batok sa makauulaw nga mga komento, dili makahimo-ot nga diskriminasyon ug dili madawat nga mga paguna-unang paghuna-huna. Busa kung sa sunod nga higayon nga makakita kag Muslim nga babaye, hibaloi nga iya lamang gitabonan ang iyang pisikal o pang-gawas nga panagway, dili ang iyang panghunahuna o salabutan sa iyang alimpatakan.
Sayop nga pag-tuo - 7: - ‘’Ang tanang Muslim Arabo’’?
Mga kapin Bente porsyento (20%) ra sa mga Muslim sa tibook kalibutan mga Arabo, kini nagpasabut nga taman lang sa Otyenta porsyento (80%) sa mga Muslim dili mga Arabo. Pananglitan, mas daghan ang Indian ug Indonesian nga mga Muslim kaysa Arabo nga Muslim.
Ang Islam nagatudlo nga ang usa ka indibiduwal dili labaw sa uban tungod lang sa rasa o kolor, ug hugot nga ginasupak sa bisan unsang matang sa rasismo o diskriminasyon. Ang Islam adunay mensahe alang sa tanang katawhan sa tibook kalibutan - kini mao nga, ang matag usa makabaton sa kalinaw ug kalampusan pinaagi lamang sa pag-ila ug pagsimba sa Usa ka Tinuod nga Diyos.
Sayop nga pagtoo- 9: ‘’Ang Jihad Terrorismo’’?
Ang diwa o mahinun-dangun sa Jihad mao ang pakigbisog ug pagsakripisyo sa kaugalingon alang lamang sa iyang relihiyon nga aron makapahimuot sa Diyos. Sa mga kapulungan, kini nagapasabut nga "pakigbisog" ug mahimong magtumong sa pagpaningkamot sa usa ka tawo sa pagbuhat ug maayong mga buhat, paghatag ug gugmang putli, pag tabang sa isig katawo nga adunay mga pangina-hanglan, o pag-apil sa mga aksyong militar sa Islam. Nga kasagarang nailhan nga porma mao ang Jihad sa militar nga gitugutan aron mapreserbar ang kaayohan ug kalinaw sa katilingban, aron masanta ang pagkalap sa pagpanglupig, ug aron mapalambo ang hustisya. Kini pwedeng depensiba o opensiba, depende sa sirkumstansya o sitwasyon.
Sayop nga Pagtuo 9 – “Ang mga Muslim Nagsimba kang Muhammad o sa Bulan nga Diyos”
Ang laing sayop nga pagtuo mao nga ang mga Muslim nagasimba kang Propeta Muhammad (saw). Kini mao ang bug-os nga dili tinuod, ug dili sayon nga pagpang-himakak pinaagi sa aktuwal nga mga pulong sa Propeta (ang pakigdait maanaa kaniya): "Ayaw ninyo ako pagaday-gon sama sa mga sobrang mga paggdayeg kang Hesus, ang anak nga lalake ni Maria. Ako Iyang ulipon, busa tawga ako ninyo isip nga ‘'ulipon ug Mensahero sa Diyos’’.
Ang Islam nagtudlo sa mga Muslim sa pagtahod sa tanan nga mga Propeta ug Mensahero sa Diyos - apan ang pagtahod ug paghigugma kanila wala magpasabot sa pagsimba kanila.
Ang usa ka may kalabutan sa pag-pangankon mao nga ang mga Muslim nagsimba sa "moon God" nga dili gayud usab husto. Ang pagsimba sa bulan, o sa bisan unsang matang gawas sa Allah, hugot nga ginadili o gina-bawal sa Islam:
"Ayaw pagyukbo sa adlaw o sa bulan, apan yukbo sa Allah nga nagbuhat kanila, kon kamo mosimba gayod Kaniya." Quran 41:37
Giila sa Islam ang kompletong kahingpitan, kahalangdon ug pagkatalagsaon sa Ginoo nga hingpit nga walay pagkompromiso. Siya ang Labing Matarong ug ang Labing Maluluy-on. Ang pagsimba Kaniya lamang mao ang labing importante nga pagtuo ug pagsunod sa Islam, sama sa nahisgotan sa Qur'an sa mga nagkalain-laing mga dapit.
Sayup nga pagtoo - 10: ‘’Ang Islam nagatugot sa pinugos nga pagpa-kasal’’
Ang gihan-ay nga mga kaminyuon maoy kultural nga mga buhat nga kasagaran sa pipila ka mga nasud sa tibuok kalibutan. Bisan tuod dili limitado sa mga Muslim, ang pinugos nga kaminyoon nahimong sayop nga nalangkit sa Islam.
Sa Islam, ang mga kalalakihan ug mga kababayen-an adunay katungod sa pagpili o pagsalikway sa ilang potensyal nga kapikas sa kinabuhi, ug ang ingon ana nga klase nga kaminyuon gina-isip nga walay balor o walay pulos kung ang matuod nga pagtugot sa usa ka babaye dili ihatag sa wala pa ang kasal.
Sayop nga pagtoo - 11: ‘’Ang Islam naga-pugos sa katawhan nga mag-Muslim’’.
Ang Dios naga-ingon, "Walay dapat mahitabong pagpa-mugos sa relihiyon. Ang kamatuoran giklaro gikan o batok sa sayop.” Quran 2:256
Bisan tuod usa ka katungdanan sa mga Muslim ang pagpadangat ug pagpaambit sa matahum nga mensahe sa Islam ngadto sa uban, walay usa nga mapugos sa pagdawat sa Islam. Aron madawat ang Islam, ang usa ka tawo kinahanglang sinsero ug boluntaryong motuo ug mosunod sa Diyos, pinaagi sa kahulugan, walay usa ka tawo nga mahimong (o kinahanglang) pugson sa pagdawat sa Islam.
I-konsidar o tagda kining mga mosunod:
Ang Indonesia adunay pinakadako ug pinaka-lawak nga populasyon sa Muslim apan walay nahitabong kagubot ug nakig-away aron madala ang Islam didto nga dapit.
Adunay mga katorse (14) ka milyong mga Arabo nga mga kristiyanong Coptic nga nagpuyo taliwala sa dughan sa Arabik peninsula sa mga kani-kaniyang henerasyon.
Ang Islam ang usa sa labing paspas nga nilambo nga Relihiyon sa kasadpang kalibutan sa karon nga panahon.
Bisan pa man nga ang pagpakig-bisog sa pagpanglupig ug pagpasiugda sa hustisya mga balido nga rason sa paglunsad sa jihad, ang pagpugos sa mgakatawhan sa pagdawat sa Islam dili kabahin o dili parte nila.
Ang mga Muslim nagamando sa Espanya sulod sa kapin Walo kagatus (800) ka tuig apan wala gayod gipugos ang mga katawhan sa pag-kabig.
Hinapos nga pulong
Ang pagkat-on bahin sa Islam gikan sa dili kwalipikado nga tinubdan nga wala’y maayong pagtuki, kini delikado , ug nagdala sa dili pagsinabtanay o dili masabtan o dili makasabot. Ayaw pagpasalaag sa pagdawat sa mga sayop nga pagtuo o haka-haka ug bakak nga mga impormasyon bahin sa Islam – ang pagtuo ginapaambit labaw pa sa usa ka quarter nga katawhan.
Dili ba ang giya alang sa tanang katawhan, ang mensahe sa Islam, angayan ba nga pamalandongan maayo ug gipalandungan?