Description
Ikasubo, nga daghang mga Muslim ang wala mag-ampo o wala magtuman sa mga kondisyon sa pag-ampo, bisan pa man sa kahinungdanon niini. Ang katuyoan sa pag-ampo mao ang pagpalig-on sa imong relasyon ngadtu sa Diyos; nga magpasalamaton sa tanan Niyang mga grasya og panalangin; ug sa pagpahinumdom sa imong kaugalingon sa Iyang Kahalangdon. Sama ra usab nga ang lawas nagakinahanglan sa pisikal nga mga kinahanglanon, sama sa mga pagkaon ug tubig, ang kalag nagakinahanglan pud espirituhanon nga mga pagakinahanglan, nga gi-amuma pina-agi sa pagsamba, ang pinaka-importante sa tanan ang pagsimba. Mahimo nga ang lawas sa usa ka tawo himsog apan patay sa pang espirituhanon.
Ang Propeta (ang kalinaw maanaa kaniya) miingon, "Ang pagtandi sa usa nga nagahinumdom sa Allah ug sa usa nga wala, sama sama ra usab sa mga buhi ug sa mga minatay."
Si Allah mi-ingon
“O kamo nga nagatuo! Tubaga ang (tawag sa) Allah ug sa Iyang Mensahero sa diha nga siya nagatawag kanimo nga maong naghatag kanimog kinabuhi." Qur'an 8:24
Ang importansiya niini
Direktang Komunikasyon kang Allah
"Ang labing haduol nga tawo gadtu sa Iyang Ginoo mao nga kung siya nagahapa."
Ang pag-ampo nagakonektar kanimo sa Allah. Ang Arabiko nga pulong alang sa pag-ampo (As-Salah) maoy tinuod naggikan sa Arabiko nga pulong nga nagkahulogang "koneksyon". Ang Mensahero ni Allah (ang pakigdait anaa sa ibabaw niya) miingon, "Sa diha nga ang bisan kinsa kaninyo motindog aron sa pag-ampo, siya nakigsulti sa iyang Ginoo, mao nga himoa nga siya pagtagad sa kon sa unsang paagi siya nakigsulti Kaniya." Ayaw putla kini nga relasyon sa imong Magbubuhat.
Ang Haligi sa Islam
Ang pag-ampo mao ang ikaduha nga labing importante nga haligi sa Islam, ug mao ang labing regolar nga ginapa-mugos nga buhat sa panginabuhi sa usa ka Muslim. Ang pag-ampo maoy usa ka buhat nga kinahanglang tumanon o dapat matuman kada adlaw, bisan pa man ug unsa ang kahimtang. Sa pagkatinuod, si Allah wala gayud naga-higawas sa mga Muslim sa pag-ampo panahon sa gubat o gyera! Ug Siya miingon,
"Bantayi pag-ayo ang imong (pamatasan) sa mga pag-ampo... Kung naa kay kahadlok (sa kaaway), pag-ampo maski nga nagabaktas, o nagsakay." Qur’an 2: 238-39
Ingon niana ang kahimtang sa panahon sa gubat o gyera. unsa man pud kaha sa panahon sa kalinaw?
Ang Kalampusan maana-a lamang sa Pag-ampo
Ang Propeta (ang kalinaw maana-a kaniya) miingon, "Ang una nga mga buhat diin ang usa ka tawo pagatawgon sa adlaw sa Pagkabanhaw, mao ang mga pag-ampo. Kon kini makaplagan nga hingpit, siya luwas ug malampuson. Apan kung kini adunay depekto, siya mahimong usa ka alaot ug usa ka pildihang uyamot’’.
Ang mga Benepisyo
Panagang batok sa mga Dautan
Kung walay pag-pangayog tabang sa Allah, imposibleng masanta o malikayan ang kadaotan.
Ug ang Allah miingon,
"Sa pagkatinuod, ang pag-ampo nagpugong o nagasanta (sa kaugalingon) batok sa makauulaw ug dili makiangayong mga buhat..." Qur'an 29: 45
Unsaon ang mga sala mabuhat kon ikaw andam o kusang mobarog atubangan sa Allah Lima ka beses (5) sa usa ka adlaw?
Gipauswag ang Imong Kalag
Ang pag-ampo nagatagbaw sa imong espirituwal nga mga panginahanglan, sa pagpakig-uban o pakig-kontak sa imong Magbubuhat. Nagahatag kinig kalinaw ug katagbawan sa imong kalag, labi na sa imong bisi nga estilo sa pangina-buhi.
Ug ang Allah miingon,
"Sa walay pagduhaduha o pagduda duda, sa paghinumdom sa Allah, ang mga kasingkasing makakaplag ug katagbawan."
Makahimo nimo nga mapaub-sanon
Ang garbo ug pagkamapahitas-on mawala o masanta pinaagi sa pag-amgo sa kahalangdon ni Allah ug sa imong pagsalig Kaniya. Diha sa pag-ampo, ang Muslim nagabutang sa iyang lawas kinatas-ang bahin ug maoy tinubdan sa iyang salabtanan, ang iyang ulo, gibutang ngadto sa yuta ug miingon, "Unsa ka hingpit ang akong Ginoo, ang Labing hataas."
Ug Siya miingon,
"Malamposon gayod ang mga magtotoo, nga mapaubsanon sa ilang mga pag-ampo." Qur'an 23: 1-2
Siyempre, kini makab-ot lamang kung imong masabtan kung unsa ang gina-pamulong ug pagpa-malandong inubanan sa pagpaubos.
Nagahugas sa mga Sala
Ang matag usa makasala, bisan pa man, ang Allah nagahatag, pinaagi sa pag-ampo, usa ka pama-agi aron mapanas ang mga sala.
Ang Allah miingon,
"Ug himoa ang pag-ampo ... sigurado gayud, ang maayong mga buhat makawagtang sa mga dautang buhat." Quran 11:114
Ang Mensahero mihatag ug maa-nindot nga ehemplo sa dihang siya miingon sa iyang mga kaubanan, "Hunahunaa kini, kon ang usa kaninyo adunay suba sa inyong pultahan diin siya naligo niini lima ka beses sa usa ka adlaw. Aduna bay bisan unsang hugaw nga magpabilin kaniya?” Sila miingon, "Wala." Unya ang Propeta mitubag, "Sa samang paagi, |Ginapahiran o ginalimpyohan sa Allah ang mga sala pina-agi sa lima ka beses nga pag-ampo kada adlaw’’.
Naga-sulbad sa Imong mga Problema
Kung imong palig-onon ang imong relasyon ngadtu sa Allah, palig-onon ni Allah ang imong relasyon ngadtu sa ubang mga binuhat. Pinaagi sa pag-ampo, Siya, nga Labing maka-agahum, tul-irun ang tanan nimong mga problema.
Ang Allah miingon,
"Pangita ang tabang pina-agi sa pagantos ug pag-ampo." Qur'an 2:153
Gi-usa ang mga Muslim
Ang pag-ampo sa kongregasyon nag-ugmad sa panag-igsoonay, pagkaparehas o pagka-patas, ug pagpaubos taliwala sa mga kapwa Muslim. Ang mga magsisimba nagatindog sa mga laray ug ingon nga usa ka lawas, abaga sa abaga, nga walay bisan unsa nga ilhanan sa rasa, nasyonalidad, kolor, bahandi, lahimtang sa pamilya. Kini nga buhat sa panaghiusa makatabang sa pag-guba sa tanang mga babag o pader nga nagbarog taliwala sa mga katawhan.
Ang pag-salikway sa pag ampo
"O Katawhan, unsa ang naglimbong kanimo mahitungod sa imong Ginoo, ang Labing Mahinatagon?" Qur'an 82: 6
Ikaw nisupak sa Imong Magbubuhat
Ang tibuok nga katuyoan sa imong pagka-buhi mao ang pagsimba sa Allah lamang, dapat kada adlaw, ikaw nagsupak sa imong Magbubuhat kung dili nimo himoon kini.
“Sa dihang, ana-ay mga misunod kanila nga henerasyon nga gisalikway ang pag-ampo ug gisunod ang ilang mga pangka-ugalingong tinguha. Busa sila itambog ngadto sa Impiyerno. Gawas niadtong mga naghinulsol ug mituo, ug nagbuhat sa pagkamatarongon.” Qur'an 19:59-60
"(Ang mga tawo sa Impyerno pangutan-on:) Unsa ang hinungdan nganu nahisulod kamo sa Impyerno? Sila moingon: Kami katong wala naga-ampo..." Qur'an 74:42-43
Kamo nahimong mga engrato o dili mapasalamaton
Ang pagdumili sa imbitasyon sa imong Magbubuhat sa pag-tukod niining suod nga relasyon Kaniya mao ang maoy pinka labing pagka-dili mapasalamaton.
Ang pag-salikway sa pag ampo (nagpa-dayon)
Gibuhat ka ni Allah ug gihatag kanimo ang tanan.
"Siya ang nagbuhat kanimo ug naghatag kanimo sa pangdungog ug panglantaw ug mga kasingkasing, apan gamay ra kaninyo ang mapasalamaton." Qur'an 67:23
Ang mga tiil ug bati-is sa Propeta manghubag na tungod kay siya mobarug sa pag-ampo sa hataas nga mga panahon. Sa dihang siya gipangutana mahitungod niini, siya mitubag, "Dili ba ako angayannga usa ka mapasalamaton nga alagad sa akong Ginoo?"
Ug ikaw nagtinapulan
Unsang mga pasangil ang imong ihatag o itubag sa imong Magbubuhat, ang Magbubuhat sa mga langit ug sa yuta, sa Adlaw sa Paghukom? Ang Usa nga nagahatag kanimog mga nagpanalangin bente kwatro( 24) oras kada adlaw, apan mihangyo lamang kanimo nga ikaw mag-ampo lima ka beses sa usa ka adlaw.
Ang Propeta (saw) miingon, "Ang mga anak ni Adan dili papahawaon sa atubangan sa iyang Ginoo sa Adlaw sa Pagkabanhaw hangtud nga siya pangutan-on sa lima ka mga butang: ang iyang kinabuhi ug giunsa niya kini pag amuma o pag-gahin ug panahon, ang iyang pagkabatan-on ug giunsa niya pag gamit niini, ang iyang bahandi ug sa unsang paagi niya kini nakuha ug sa unsang paagi niya kini gigasto, ug giunsa niya paglihok ang iyang naangkong mga kahibaloan.”
Ikaw mahimong makalulu-oy
Ang Allah miingon
"Ug si bisan kinsa man ang motalikod gikan sa Akong handumanan - alang kaniya, mao ang usa ka kinabuhi sa kalisdanan o magkalisud-lisud. Ug itaas namo siya sa adlaw sa Pagkabanhaw, ang buta, siya Moingon, "Ginoo, nganong gibanhaw mo ako nga buta samtang ako makakita pa?" (Allah) moingon, “Sa ingon niini ang among mga ilhanan midangat kaninyo, ug kamo nakalimot (wala magtagad) kanila; ug sa ingon kanimo puds, niining Adlawa, kamo hikalimtan.” Qur'an 20:124-6
Imo lang ginada-ut ang imong Kaugalingon
Si Allah wala magkinahanglan sa imong pag-ampo o bisan unsa gikan kang bisan kinsa - Himaya kaniya! Ikaw ang labing nanginahanglan sa Iyang Kalooy.
"Ihatag o ibalik ngadtu sa Allah ang pasalamat, ug bisan kinsa nga magpasalamat, kini alang lamang sa kaayohan iyang kaugalingong kalag, ug kinsa man katong dili mapasalamaton, sa pagkatinuod , Ang Allah libre sa tanang mga panginahanglan, Takos o angayan sa tanang pagdayeg." Qur’an 31:12
Naga-dani Ka Sa walay-Pagtuo o dili pagtoo
Daghang mga Iskolar o mga maa-lamon sa Islam nagkupot sa opinyon nga kung dili ka mag-ampo, ikaw usa ka dili magtutuo, kinutlo gikan sa mosunod nga hadith:
"Ang kasabotan nga nagpalahi kanato ug kanila (sa ato pa, tali sa mga magtutuo ug dili magtutuo) mao ang pag-ampo, ug kinsa man ang wala pagtagad niini walay pagtuo."
Dugang pa niini, ang mga kauban sa Propeta (hinaot ang Allah mahimuot kanila) wala isipa ang pagbiya sa bisan unsa nga pagbuhat ingon sa dili pagtuo, gawas sa pag-ampo.
Kasagarang mga Pasumangil
Walay oras o panahon (trabaho, pagtuon, busy, etc): Puro ug yano nga pagpangilad. Wala nimo gihatagan ug bili o prayoridad ang mga pag-ampo. Ang Allah mag-giya sa imong oras ug himuon ka nga labing epektibo, hamtong ug malampuson.
Limpyo ang akong kasingkasing: Si Allah nagahukom ngadtu sa mga adunay limpyo nga kasingkasing, ug gusto Niya nga ikaw magaampo! Ang mga buhat magpakita kung unsa ang anaa sa imong kasingkasing. Walay usa nga adunay mas limpyo pa sa kasingkasing ni Propeta Muhammad (saw) nga naga-ampo sa kanunay.
Akong alarma: Lisod palungon ang imong alarma, kung dili kini nimo palungon! Limpyohan ang imong tumong ug tinguha ug matulog sumala sa Sunnah.
Ang akong pamilya/kapikas/ginikanan/mga higala nagapugong kanako: Ang Propeta (ang kalinaw maa-naa kaniya) miingon, "Walay pagsupak ngadto kang bisan nga nagasupak sa Allah." Hukman ka nga nag-inusara.
Ang sobrang pagka-makasasala: Sa oras, nga ang imong mga pag-ampo mopugong o mosanta kanimo sa pagbuhat niining mga sala - pag-ampo lang! Nakasala ikaw tungod kay wala ka naga-ampo.
Pamalandungi kini nga hadith, "Kon nahibal-an lamang nila ang mga giya sa 'Isha ug Fajr nga mga pag-ampo, sila moadto kanila (sa mosque/masjid) bisan pa man sila kinahanglang magkamang."
Unsang pasangil sa pagbiya sa pag-ampo? matinud-anon ba nga anaa ka, sa panahong moatubang kana sa imong Ginoo sa nianang malisod nga Adlaw?