Description
Kanunay nga pangutana nga mga pangutana
Unsa ang Islam ug Kinsa ang mga Muslim
Ang Islam usa ka natural ug hamtong nga pamaagi sa kinabuhi nga nag-awhag sa usa nga hatagan ug igong pagtagad ang ilang relasyon sa Diyos ug sa Iyang mga binuhat. Kini nagtudlo nga ang mga kalag makakaplag ug tinuod nga kalipay ug kalinaw pinaagi sa pagbuhat ug maayong mga buhat nga giuyonan sa Diyos ug nga makabenepisyo pareho sa mga katilingban ug sa indibiduwal.
Ang mensahe sa Islam yano ra: ang pagtuo ug pagsimba sa Usa ka Tinuod nga Diyos lamang, ug ang pagdawat kang Propeta Muhammad (saws) isip Iyang kataposang Mensahero. Ang pulong nga “Islam” nagapasabot sa pagpasakop sa Diyos, ug ang mga sumusunod niini nailhan ingong mga Muslim, kinsa mahimong gikan sa bisan unsang rasa o etnikong gigikanan.
Unsa ang Katuyoan sa Kinabuhi
Wala gimugna sa Diyos ang mga tawo para lang maglatagaw nga walay katuyuan. - mo-ila o mo-too sa pagsimba sa Diyos lamang, aron kita magkinabuhi sa giya sa atong Magbubuhat. Kini nga giya makapahimo kanato sa pagkinabuhi nga malampuson ug bulahan nga kinabuhi sa tanang aspeto, dinhi sa kalibutan ug sa umaabut. Ang pagsulay sa pagtoo sa usa ka tawo mao ang paggamit sa iyang salabutan ug mga abilidad sa pagpangatarungan sa pagpamalandong ug pag-ila sa mga timailhan sa Diyos ug sa pagkinabuhi sumala sa Iyang mga giya o pagdumala.
Sa kinalabwang kaalam sa Diyos, Iyang gihatagan ang mga tawo ug kagawasan sa pagpili ma ingong pagsulay aron makita kon kinsay kinabubut-on nga mosunod sa Iyang dalan.
Kinsa si Allah?
Ang Allah mao ang personal nga ngalan sa Usa ka Tinuod nga Diyos. Si Allah walay kauban, managsama, ginikanan o anak. Ang tanang mga hiyas ni Allah perpekto o hamtong, sama sa; Ang Magbubuhat, Ang Labing Maluluy-on, Ang Makagagahum sa Tanan, Ang Labing Matarung, Ang Maalamon sa Tanan ug Ang Nakahibalo sa Tanan. Walay tawo o butang nga nakigbahin sa pagka-ginoo ni Allah ug sa Iyang halandong mga hiyas, sa ingon, Siya lamang ang angayan nga pagasimbahon direkta ug eksklusibo.
Kinsa si Muhammad?
Si Muhammad (saw) mao ang kataposang Propeta sa taas nga linya sa mga Propeta, gipadala aron sa pagtawag o pag-awhag sa tanang katawhan sa pagsimba sa Diyos lamang. Usa siya ka sulundon nga amahan, bana, magtutudlo, lider ug maghuhukom, ug usa ka hingpit nga ehemplo sa usa ka matinuoron, makiangayon, maloloy-on ug maisog nga tawo. Bisan pa man tuod siya ginatahud pag-ayo, siya, sama sa ubang mga Propeta, wala gisimba sa mga Muslim.
Naganu Mo-too man sa Ginoo (Allah)?
Adunay daghang mga rason sa pagtuo sa Diyos lakip na kadtong gibase sa yano og husto nga panabot (gi-sumatda sa ubos) ug pinaagi sa pagpadayag (gihisgutan sa sunod nga hugna).
– Sinugdanan sa Kalibnutan – Usa ka tul-id nga rason sa pagtuo sa Diyos may kalabotan sa pagpamalandong sa gigikanan sa kalibutan. Diin gayud gikan ang kalibutan? Ang kalibutan dili kanunay naglungtad (kini adunay sinugdanan sumala sa modernong siyensya) ug dili kini gikan sa wala o mahimo sa iyang kaugalingon lang. Ang usa ka makatarunganon nga konklusyon mao nga kini gilalang. Dili sama sa kalibutan, Ang Magbubuhat sa kalibutan, ang Diyos, walay kataposan, walay sinugdanan ug kanunayong naglungtad o maa-naa.
Ang Pagkahan-ay sa Kalibutan - Ang laing yano nga rason sa pagtuo sa Diyos mao ang pagpamalandong sa han-ay sa kalibutan gamit ang mosunod nga hustong panabot:
1. Ang bisan unsa nga nahan-ay nagpaila sa dakong salabutan
2. Ang atong ‘’solar nga sistema ‘’ hata-as nga gi han ay inubanan sa makuti nga mga balaod, sistema ug mga sumbanan
3.Busa, ang han-ay sa atong kalibutan nagpakita sa paglungtad ug kaalam sa Magbubuhat.
Unsa ang Qur’an
Ang Quran ang literal nga mga pulong sa Diyos ug ang kataposang pagpadayag sa katawhan.
Ang Quran naghatag ug lig-on nga panag-lalis sa pagkaanaa sa Diyos alang niadtong mga walay gidapigan ug sinsero. Kini walay kaparehas sa iyang estilo, kaalam, giya, katahum ug tigpahayg. Kini mao ang literal nga pulong sa Diyos, ingon sa gipadayag ngadto kang Propeta Muhammad (ang kalinaw maanaa kaniya) pinaagi sa Anghel Gabriel, ug mipuli sa tanang nangaging mga pagpadayag, sama sa Ebanghelyo ug sa Torah. Kini ang nag-unang tinubdan sa kahibalo sa Islam. Kini nagpatin-aw ug nagpa-sabot sa daghang mga isyu sama sa katuyoan sa atong paglungtad; ang husto nga konsepto sa Diyos; ang mga buhat nga gusto ug dili gusto sa Diyos; ang mga istorya sa mga Propeta ug ang ilang mga leksyon; mga asoy sa Langit, Impiyerno, ug sa Adlaw sa Paghukom. Usa sa mga dagkong milagro sa Quran mao nga kini gipreserbar ug wala mausab sukad kini gipadayag kapin sa 1400 ka tuig na ang milabay. Naglangkob usab kini sa daghang mga siyentipiko ug makasaysayan nga mga kamatuoran nga wala mahibal-an sa mga tawo sa maong panahon ug bag-o lang nadiskobrehan, nga usa sa mga nagpamatuod nga kini gikan sa Diyos.
UNSA ang mga nag-unang mga Pagbansay-bansay sa Islam?
Ang Unang Haligi sa Pagto-o : Ang pagmantala nga walay Diyos nga angayan simbahon gawas kang Allah, ug si Muhammad mao ang Iyang kataposang Mensahero.
Ang Ikaduhang Haligi: Pag-ampo. Ipahigayon kalima ka beses kada adlaw: kausa matag usa sa kadlawon, udto, tunga-tunga sa hapon, pagkahuman sa pagsalop sa adlaw ug sa kagabhion.
Ikatulo nga Haligi: Obligado Charity - kini usa ka tinuig nga obligadong charity nga ginahatag sa mga kabus ug timawa ug gikalkula isip gamay nga bahin sa kinatibuk-ang tinuig nga natigum sa usa ka tawo, nga naglakip sa 2.5% sa salapi mga kabtangan. Gibayran kini niadtong mga adunay sobra nga bahandi.
Ika- Upat (4) nga Haligi: Pagpuasa sa Bulan sa Ramadhan. Sa tibuok niining bulana, ang mga Muslim kinahanglang maglikay sa tanang pagkaon, ilimnon ug pakighilawas sa ilang mga kapikas, gikan sa kadlawon hangtod sa pagsalop sa adlaw. Gipasiugda niini ang pagpugong sa kaugalingon, kaamgohan sa Diyos ug kalooy sa mga kabus.
Ika- Lima (5) nga Pagpraktis: Ang Paglangyaw sa relehiyosong dapit. Ang matag usa ka hamtong nga Muslim gikinahanglan sa paghimo sa Paglangyaw sa Relehiyoso ug Balaang nasud sa Makkah bisan kausa lamang sa ilang tibuok kinabuhi. Naglakip kini sa pag-ampo, pangamuyo, gugmang putli ug pagbiyahe, ug usa ka mapainubsanon ug espirituhanong kasinatian.
UNSAY Gituohan sa mga Muslim bahin kang Hesus ug sa uban pang mga Propeta?
Liboan ka mga Propeta ang gipadala ni Allah, labing menos usa sa matag nasud, nga adunay parehas nga mensahe: ang pagsimba sa Allah lamang ug dili makig-uban sa bisan unsang kauban Kaniya. Ang uban niini nga mga Propeta naglakip nila Adan, Noah, Jose, Abraham, Jacob, Isaac, Moises, Hesus ug Muhammad (ang kalinaw maanaa kanilang tanan).
Si Hesus natawo sa milagrosong paagi nga walay amahan ug naghimog daghang milagro – ang kining tanan pinaagi sa kabubut-on sa Ginoo.
Si Hesus (ang kalinaw maanaa kaniya) mao ang usa sa labing bantugan nga mga Propeta nga gipadala sa Makagagahum nga Diyos.
Si Hesus dili Diyos o anak sa Diyos o bahin sa usa ka trinidad tungod kay kini klaro nga supak sa putli nga pagtulon-an sa Diyos sa Islam. Tagda ang mga mosunod:
l Adunay daghang mga panig-ingnan sa Kristohanong mga pagtulon-an ni Hesus , nga nagsulti ug naggawi ingon nga siya ang Diyos. usa ka laing binuhat sa iyang kaugalingon, pananglitan.: Nag-ampo si Hesus sa Diyos - Kung si Hesus Diyos, kinsa man ang iyang giampoan?
l Ang pulong nga "Anak sa Diyos" simbolikong gigamit sa pinakaunang mga pinulongan sa Bibliya para sa usa ka "matarong nga tawo" alang sa daghang mga katawhan - dili lamang alang kang Hesus. Ang problema motungha kung gamiton ang pulong sa literal o sa ubang mga pamaagi.
Bisan tuod ang mga Muslim nahigugma ug nagtahod kang Hesus (ug sa tanang ubang mga Propeta), wala sila mosimba kaniya ni nagpasidungog kaniya og mga diyosnong kinaiya, tungod kay kini gitagana lamang alang sa Diyos.
Ang Tanan bang mga Relehiyon Parehas?
Samtang kadaghanan sa mga relihiyon adunay parehas nga mga pagtulon-an bahin sa maayong pamatasan ug kaayo sa uban ug uban , ang Islam usab nagpunting sa Pagkadako sa Diyos nga walay pagkompromiso sa iyang Pagkausa ug Kahingpitan. Dili sama sa ubang mga relihiyon, ang Islam nag-unang nagtudlo nga ang Diyos bug-os nga lahi ra ug talagsaon kon itandi sa Iyang mga linalang ug ang tanang pagdayeg ug pagsimba kay direkta ug mapinigon alang Kaniya. Ang Islam kay masangkaron usab; yano apan halawom; nga adunay pagpadayag nga gitipigan; wala isalikway ang bisan kinsang mga Propeta sa Dyios apan nag-ingon nga silang tanan mianhi nga adunay usa ug parehas nga mensahe.
Unsay Mahitabo pagkahuman Mamatay?
Ang kamatayon mao ang agianan gikan niining mubo nga kinabuhi ngadto sa sunod nga kinabuhing dayon. Ang matag usa pagabanhawon aron manubag sa Adlaw sa Paghukom. Kung ang usa ka tawo nagpuyo nga maayo, madungganon nga kinabuhi pinaagi sa pagsimba ug pagsunod sa Allah, sila makasulod sa Paraiso, pinaagi sa Kalooy ni Allah. Kung gipili nila nga dili motuo, ang kalayo sa Impiyerno naghulat kanila.
Kung walay kinabuhi sa sunod nga kinabuhi diin ang mga maayo gina-gantihan ug ang daotan ginasilotan, kana mosupak sa hingpit nga hustisya sa Diyos, ug ang kinabuhi dili makiangayon.
– UNSAY Panglantaw sa Islam sa mga Kababayen-an?
Sa Islam, ang mga kalalakin-an ug mgakababayen-an gilantaw nga managsama sa atubangan sa Diyos, sa termino nga ang duha parehas makadawat sa ganti ug tulubagon sa ilang mga aksyon. Si Allah, ang Magbubuhat sa parehong kasarian (gender) , naghatag ug lain-laing mga tahas ug mga responsibilidad alang sa matag usa, nga gina-isip nga tulubagon ang ilang mga kalainan. Ang mga kababayen-an gihatagan ug tumang pagtahud ug dungog, nga walay porma sa pag-pandaugdaug nga gikondena ngadto kanila.
Ang Konsepto ba sa ‘’Orihinal nga Sala’’ Nilungtad ba sa Islam?
Ang konsepto sa "orihinal nga sala" wala maglungtad sa Islam. Ang Diyos matarong; busa walay tawo nga manubag sa bisan unsang sala nga sila mismo dili responsible niani.
Unsa ang JIHAD?
Ang diwa sa Jihad mao ang pakigbisog ug pagsakripisyo alang sa kaugalingong Relehiyon, nga makaphimoot kang Allah (Ginoo). Sa pinulungan, kini nagpasabut sa "pakigbisog" ug mahimong magtumong sa pagpaningkamot sa pagbuhat og kaayuhan og maayo, paghatag og ‘’Charity’’ gugmang putli, o pagpakig-away alang sa Diyos. Ang labing kasagarang nailhan nga porma mao ang Jihad sa militar nga gitugutan aron mapreserbar ang kaayohan sa katilingban, aron mapugngan o masanta ang pagpanglupig sa pagkuyanap, ug aron mapalambo ang hustisya.
Gikondena ba sa Islam ang Terorismo?
Sa gubat o gyera, ang pagpuntirya sa mga inosente nga dili manggugubat usa ka talamayon nga buhat nga klarong ginadili sa Islam. Sa pagkatinuod, ang mga Muslim dili gani tugotan sa paglaglag o pag guba sa mga tanom ug mga mananap nga dili kinahanglan, labi na ang mga inosenteng katawhan. Kini usa lamang ka pananglitan sa daghang mga etikal nga pamatasan sa gubat o gyera nga gilatid sa Islam. Bisan pa, hinungdanon ang pag-ila tali sa terorismo ug lehitimong pagsukol sa pag-okupar sa luna, tungod kay ang duha lahi kaayo.
Unsa ang mga Halal nga Pagkaon?
Halal, o sa balaod, ang mga pagkaon nga gitugotan sa Diyos nga kan-on alang sa mga Muslim. Kasagaran, kadaghanan sa mga pagkaon ug ilimnon giisip nga halal, nga ang nag-unang mga wala-giapil, mao ang baboy ug alkohol o maka-hubog. Ang mga karne ug manok kinahanglang ihawon sa tawhanon ug hustong paagi, nga naglakip sa paghisgot sa ngalan sa Diyos sa dili pa ihawon ug pagpamenos sa pag-antos sa mga hayop.
Kinsa ang Pwede mahimong usa ka Muslim
Giablihan ni Allah ang mga pultahan sa Islam sa tanan nga katawhan, bisan unsa pa ang ilang nangagi o karon nga kahimtang. Busa, ang bisan kinsa mahimong usa ka Muslim sa bisan unsang oras pinaagi lamang sa pagtuo, ug paglitok sa mosunod nga pagpamatuod sa pagtuo:
‘Ako mosaksi nga walay laing Diyos nga angay simbahon gawas kang Allah, ug ako mosaksi nga si Muhammad mao ang Mensahero ni Allah’.
Ang pagkahimong usa ka Muslim nagpasabut sa pag-ila sa kadako sa Magbubuhat ug nagpalambo ug pagpadayon sa usa ka suod nga relasyon uban Kaniya pinaagi sa pagsunod Kaniya. Kini modala ngadto sa kalipay ug katagbawan niini nga kinabuhi ug sa sunod pa, ug ang katumanan sa katuyoan sa kinabuhi sa usa ka tawo.