Ang halandong Qur’an

Ang halandong Qur’an

Ang Katapusang Pagpadayag Ngadto sa Katawhan

Unsa ang Qur’an

Ang mga Pulong sa Ginoo

Ang Qur'an mao ang literal nga pulong sa Dios, Ang Labing Gamhanan (Allah sa Arabiko), gipadayag ngadto kang Propeta Muhammad (saw) pinaagi kang Anghel Gabriel.

"Ang pagpadayag sa Libro gikan sa Allah, ang labing Gamhanan, ang Maalamon." Qur'an 39:1

Giya Ngadto sa Katawhan

Ang Qur'an "usa ka giya alang sa katawhan... ug ang kalainan (tali sa husto ug sayop)." Qur'an 2:185

Naghatag kini ug direksiyon nga makatabang sa katawhan, sa paghukom tali sa husto ug sayop, nga kong wala kini, ang kayawhan seguradong masa-laag.

Ang Katapusan nga Pagpadayag

Ang Qur'an mao ang katapusang kasulatan nga gipadayag sa Makagagahum nga Allah (Diyos), nga nagpamatuod kung unsa ang gamay nga nahabilin nga kamatuoran bahin sa mga nangaging mga kasulatan ug gipanghimakak ug gitul-id ang mga tumo-tumo ug mga pagdugang nga nakasulod sa karong panahon nga mga bersyon sa maong mga kasulatan.

“O kamo nga gihatagan sa maong Kasulatan! Tuohi ang among mga gipadayag nga nagapamatuod kung unsa ang (naa na) kanimo ... " Qur'an 4:47

Giunsa ang pagpadayag ang Qur'an?

Ang Qur'an gipadayag kang propeta Muhammad (ang pakigdait anaa sa kaniya) ug anaa lamang sa pinulongan diin kini gipadayag - Arabiko. Apan, ang paghubad sa pagpasabot sa Qur'an anaa sa nagkalain-laing mga pinulongan.

Ang Qur'an wala gipa-naog aron maingon nga usa ka kompleto o hamtong nga libro sa usa ka pagpadayag; hinoon, ang pagpadayag milungtad og sobra sa bente-tres (23) ka tuig.

Tungod niini nga rason, kinahanglan nga mahibal-an kung unsa ang mga sirkumstansya ang mga bersikolo gipadayag, aron maa-dunay hustong pagsabot sa Qur'an; kay kong wala, ang mga pagtulun-an niini mahimong sayop ang pagsabot.

Unsaon Nako Pagkahibalo nga Gikan gayud Kini sa Diyos?

Pagpreserbar o Pagtjpig

Ang Qur'an mao lamang ang relihiyoso nga sagradong teksto nga anaa sa sirkulasyon o mikaylap sa hidugayun na nga panahon, apan nagpabiling putli sama ra gihapon sa adlaw nga kini gipadayag. Walay nadugang niini, gikuha o giusab gikan niini, sukad pa sa pagpadayag niini kapin na sa 1400 ka tuig ang mga milabay.

“Kami, sa walay pagduhaduha, nagpadala sa Mensahe; ug Kami sa pagkatinuod magbantay niini (batok sa korapsyon)." Qur'an 15:09

Dili lamang ang Qur'an gipreserbar o gitipigan sa gisulat nga porma, apan usab sa mga kasingkasing sa mga katawhan, mga bata ug mga babaye. Sa Karon nga panahon, milyon-milyong mga katawhan ang nagasag-ulo sa Qur'an gikan sa unag tabon hangtod sa katapusang tabon.

Siyetipikong mga Milagro

Ang Qur'an wala misupak sa modernong siyensya hinoon, kani nagsuporta niini. Usa sa labing talag-saon nga aspeto bahin sa Qur'an mao nga kini adunay daghang mga bersikulo nga tukmang nagahulagway sa natural nga mga panghitabo sa lainlaing natad sama sa embryolohiya, meteorology, astronomy, geology ug oceanography. Nakaplagan sa mga siyentista nga hamtong ug tukma kaayo ang mga paghulagway niini para sa usa ka libro sukad pa ni-adtong ika-pito ka siglo (7th century).

"Among dapat ipakita kanila ang mga Timailhan sa tibook kawanangan ug sulod sa ilang mga kaugalingon, hangtud nga kini klaro ngadto kanila nga kini mao ang Kamatuoran." Qur’an 41:53

Sa pagkatinuod lang, daghang mga siyentipikanhong milagro nga nahisgotan sa Qur'an nga bag-o lang nadiskobrehan, pinaagi sa modernong pag-uswag sa mga kagamitang pang- teknolohiya. Konsidera ang mga mosunod:

l Ang Qur'an naghatag ug detalyadong paghulagway sa pag-uswag sa embryo sa katawhan. Kini nga mga detalye wala mahibal-an sa siyentipikanhong komunidad hangtod karon nga mga panahon.

l Ang Qur'an nag-ingon nga ang mga butang sa astronomiya (mga bituon, mga planeta, mga bulan ug uban pa...) tanan naporma gikan sa mga abog sa panganod. Wala mahibal-an kaniadtong panahon, kini nga kamatuoran nahimong dili malalisan nga prinsipyo sa modernong kosmolohiya.

l Nadiskobrehan sa modernong siyensya ang paglungtad sa mga pag-babag o pagkontra nga nagatugot sa duha ka dagat nga magkita apan sila nagpabilin sa ilang mga temperatura, densidad ug kaparat.

Kini nga mga timailhan sa Diyos tin-aw nga gipahayag sa Qur'an labaw pa sa Isa ka Libo ug Upat ka gatos ka tuig (1400) na ang milabay.

Pagka-talagsaon

Sukad pa sa pagpadayag niini, walay tawo nga kaya mohimo og bisan usa ka kapitulo nga sama nianang maanaa sa Qur'an sa iyang katahum, kabagkos, kahanas sa panultihon, kahalangdon, kaalam, mga panagna, ug uban pang hingpit nga mga hiyas sa Ginoo.

"Ug kon kamo nagduhaduha mahitungod sa among gipadayag ngadto sa Among sulugoon, nan paghimo ug usa ka kapitulo nga sama niini ug pagtawag sa inyong mga saksi gawas sa Allah kon kamo matinud-anon." Qur’an 2:23

Ang mga katawhan nga misalikway sa Propeta Muhammad (saws) napakyas niini nga hagit, bisan paman sila labi kahanas sa panultihon sa pinulongan sa Qur'an. Kini nga hagit nagapabilin nga wala matubag hangtod karon nga panahon.

Walay Pagkontra

Sa dihang ang mga tawo magasulat, sila kinahanglan nga masayop sama sa spelling ug gramatika, nagkasumpaki nga mga pahayag, sayop nga mga kamatuoran, pagkawala sa impormasyon, ug uban pang lain-laing mga sayop.

"Kon kini gikan sa lain gawas kang Allah, sila sigurado nga, nakakita niini (ang Qur'an) nga daghang mga kontradiksyon o mga pagsumpaki." Qur’an 4:82

Ang Qur'an walay bisan unsang mga kontradiksyon o pagsumpaki - ma siyentipikanhong pagpasabut paman sa siklo sa tubig, embryology, geology ug cosmology; makasaysayang mga kamatuoran ug mga panghitabo; o mga panagna.

Dili ba si Muhammad ang Nagsulat Niini?

Ang Propeta Muhammad (saw) nailhan sa kasaysayan nga siya dili makamao mobasa; dili siya makabasa o makasulat. Dili siya edukado sa bisan unsang natad nga makatubag sa siyentipikanhon ug tukma nga kasaysayan, ni ang kaanyag sa literatura niining matahum nga Libro. Ang katukma sa makasaysayanong mga pag-asoy sa nangaging mga katawhan ug mga sibilisasyon nga gihisgutan sa Qur'an usa usab kadakong higayon nga masulat ni bisan kinsa.

‘’Ug ang kani nga Qur’an dili mapahimo ni kinsa man gawas kang Allah.’’ Qur’an 10:37

Ang tumong sa Pagpadayag

Ang Pag-tuo sa nag-inusarang Tinuod nga Ginoo

“Ug ang imong diyos usa ra ka Diyos. Walay laing diyos gawas Kaniya, ang Labing Mapuangoron, ang Labing Maluluy-on.” Qur’an 2:163

Ang labing importante nga topiko nga nahisgotan sa tibuok Qur'an mao ang pagtuo sa Usa ka Tinuod nga Diyos. Ang Diyos nagpahibalo kanato nga Siya walay kauban, walay anak, walay katumbas, ug walay lain nga adunay katungod nga paga-simbahon gawas Kaniya lamang. Walay laing ikatandi sa Diyos ug walay ni usa sa Iyang mga binuhat nga susama Kaniya. Gisalikway usab sa Qur'an ang ideya sa pag-ila sa tawhanong mga hiyas ug limitasyon ngadto sa Diyos.

Isalikway ang tanang peke o bakak nga Ginoo

Tungod kay si Allah lamang ang bugtong Usa nga takus simbahon, ang mini nga mga diyos-diyosan ug mini nga mga Ginoo kinahanglan isalikway. Ang Qur'an usab nagsalikway sa ideya sa pag-ila sa diosnong mga hiyas ngadto kang bisan kinsa o bisan unsa gawas kang Allah.

Para I-asoy o asuyon Ang Mga Istorya Gikan sa Kaniadto

Ang Qur'an adunay daghang mga asoy nga adunay mapuslanong mga leksyon, lakip ang tinuod nga mga istorya sa nangaging mga Propeta sama nila, Adan, Noe, Abraham, Hesus ug Moses. Niining mga istorya, si Allah nag-ingon,

"Kamatu-oran diha sa ilang mga istorya, adunay leksyon alang sa mga katawhan nga adunay maayong pagsabut." Qur’an 12:111

Magpahinumdom kanato sa Adlaw sa Paghukom

Kining Halangdon nga Libro nagpahinumdom kanato nga ang matag usa makatilaw sa kamatayon ug manubag sa tanan nilang mga buhat o lihok ug mga gipanulti:

"Among butangan ug mga timbangan sa hustisya alang lamang sa Adlaw sa Paghukom, aron walay usa ka kalag nga pagahukman nga dili makiangayon sa labing gamay..." Qur'an 21:47

Aron Matuman ang Gituyo nga Pamaagi sa Kinabuhi

Pinaka-importante, ang Qur'an nagatudlo nga ang katuyoan sa kinabuhi mao ang pagsimba sa nag-inusarang Diyos lamang, ug sa pagpakabuhi sumala sa pama-agi sa kinabuhing gipasunod Niya. Sa Islam, ang pagsimba usa ka komprehensibong termino nga naglakip sa tanan nga mga buhat ug panulti (bisan pa pribado o sa publiko) nga ang Allah mahigugmaonsa iyang mga gikahimut-an. Busa, pinaagi sa pagbuhat sa tanang gisugo sa Allah, ang usa ka Muslim nagsimba sa Diyos ug nagatuman sa iyang katuyoan sa kinabuhi. Ang mga mosunod maoy mga ehemplo sa pagsimba gikan sa Qur'an:

Aron Mag-ampo:

“O kamo nga nagatuo! Iduko ug ihapa ang inyong mga kaugalingon ug simbahon ang inyong Ginoo, aron kamo magmalamposon." Qur'an 22:77

Aron mahinatagon:

“…Ug ang maggasto, kini mao ang labing maayo alang sa inyong mga kalag; ug si bisan kinsa nga maluwas gikan sa kahakog sa iyang kalag, kini mao ang mga malampuson." Qur'an 64:16

Aron Matinud-anon:

"Ayaw taboni ang Kamatuoran sa kabakakan, ni taguan ang Kamatuoran kung nahibal-an na nimo (kon unsa kini)." Qur'an 2:42

Aron maligdong;:

"Sultihi ang mga magtutuong mga kalalakin-han nga ilang ipaubos ang ilang mga panan-aw ug bantayan ang ilang kaligdong. Ug sultihi ang mga magtuto-ong mga kababayen-an nga ipaubos nila ang ilang mga panan-aw ug bantayan ang ilang kaligdong." Qur'an 24:30-31

Aron Mapasalamaton

"Ug si Allah ang nagpagula kaninyo gikan sa sabakan sa inyong mga inahan-- kamo wala mahibalo sa bisan unsa-- ug Siya naghatag kaninyo sa pangdungog ug panan-aw ug mga kasingkasing aron kamo magpasalamat." Qur’an 16:78

Aron Mahimong matarong

“O kamo nga nagatuo! Pagbarug kamo nga lig-on alang sa hustisya, ingon nga mga saksi sa Diyos, imaski pa man nga batok sa imong kaugalingon, o sa imong mga ginikanan, o sa imong mga paryente, ug kung unsa man kini (batok) sa adunahan o kabus ... " Qur'an 4:135

Aron Magpa-mailubon

"Ug pagmapailubon, kay sa pagkatinuod, si Allah dili motugot nga mawala ang ganti niadtong nagbuhat ug maayo o kaayuhan." Qur’an 11:15

Magbuhat ug kaayuhan

"Si Allah nagasaad sa mga mituo ug nagabuhat sa maayong mga buhat (nga) sila makabaton og kapasayloan ug usa ka dako nga ganti."

Hinapos nga salaysay

Sa katingbanan, ang Qur'an nagatudlo sa katawhan kung unsaon pagsimba ang Usa ka Tinuod nga Diyos, ug busa kini nagatuman sa tinuod nga katuyoan sa ilang kinabuhi, ug nakab-ot ang kalampusan parehas diri sa kalibutana ug sa sunod nga kinabuhi.

"Sa pagkatinuod, Kami mipadala kanimo (O Muhammad) sa Basahon alang sa katawhan sa kamatuoran. Busa bisan kinsa man nga modawat sa giya, kini alang lamang sa iyang kaugalingon; ug ang bisan kinsa nga mahisalaag, siya mahisalaag alang lamang sa iyang kaugalingong kapildihan.”

Dili ba utang nimo sa imong kaugalingon nga basahon man lang kining Halangdong Libro?

"Mga detalye sa kontak/Donasyon (palihug ihatag ang isulod o ibutang para sa ubos sa pampleta"