Description
Ang mga Muslim nagmahal kang Hesus
Si Jesus maoy usa ka tawo nga gihigugma ug gitahud sa binilyon nga mga tawo sa tibuok kalibotan, apan adunay daghang kalibog nga naglibot sa kahimtang niining dako kaayong personalidad. Ang mga Muslim ug mga Kristiyano parehong nagtamod kang Jesus apan lahi kaayo ang pagtan-aw kaniya.
Kini nga pulyeto o pampleta nagatumong sa pag-klaro o pagpatin-aw sa mga isyu nga nagapalibot kang Hesus: si Hesus ba ang Diyos, o siya ba gipadala sa Diyos? Kinsa ba gayud ang tinuod nga makasaysayanong Hesus?
Si Hesus Ginoo
Ang ubang mga Kristohanon nag-angkon nga "si Jesus mao ang Dios" o bahin sa usa ka trinidad - nga siya mao ang pagpakatawo sa Dios sa yuta, ug nga ang Dios mikuha sa usa ka tawo nga porma. Bisan pa, sumala sa Bibliya, si Jesus natawo, mikaon, natulog, nag-ampo ug adunay limitado nga kahibalo - ang tanan nga mga kinaiya dili angay sa Diyos. Ang Dios adunay mga hiyas sa kahingpitan samtang ang Tawo sukwahi. Sa unsang paagi nga ang bisan unsang butang mahimong duha ka kompleto nga magkaatbang nga dungan?
Ang Islam nagtudlo nga ang Dios kanunay nga perpekto. Ang pagtuo nga ang Dios nahimong tawo mao ang pag-angkon nga ang Dios mao o kaniadto (sa usa ka punto sa panahon), dili hingpit. Kinahanglang pangutan-on sa usa ka Kristohanon ang iyang kaugalingon, ang ideya ba sa usa ka diyos nga kaniadto usa ka huyang nga walay mahimo nga bata, usa nga dili mabuhi kung wala’y pagkaon, pag-inom o pagkatulog, parehas ba sa Makagagahum nga Diyos nga gihulagway sa Daang Tugon? Sigurado nga dili.
Mahimong mangutana ang usa, "Kon ang Dios makahimo sa bisan unsa, nganong dili man siya mahimong tawo?"
Pina-agi sa kahulogan, ang Diyos wala magbuhat ug dili-diyosnong mga buhat. Ang Dios wala magbuhat ug bisan unsa nga makahimo Kaniya, usa ka butang gawas sa Dios. Kon ang Dios nahimong tawo ug mikuha sa tawhanong mga hiyas, siya, kinahanglan, dili na Dios.
Maa-naay pipila ka bersikulo sa Bibliya mahimong magamit nga dakong sayop aron ipakita o mapakita nga si Hesus sa pipila ka paagi, usa ka balaan. Apan kung atong tan-awon ang tin-aw nga direkta nga mga bersikulo sa Bibliya, atong makita nga si Hesus gitumong nga usa ka talagsaon nga tawo ug wala nay uban pa. Ang Bibliya adunay daghang mga bersikulo diin si Hesus nagsulti ug naga-buhat ug lihok nga murag siya ang Diyos ug usa ka lahi nga binuhat sa iyang pang-kaugalingon. Pananglitan:
l Si Hesus "mihapa ug nag-ampo." [Mateo 26:39] Kon si Hesus mao ang Diyos, unya , ang usa ba ka Diyos mohapa sa yuta ug mag-ampo? Ug kang kinsa siya mag-ampo?
l Ang Bibliya nagtawag o naga-ngalan kang Hesus nga Propeta [Mateo 21:10-11], busa sa unsang paagi si Jesus mahimong Diyos ug mahimong Propeta sa Diyos sa samang higayon?
l Si Hesus miingon, "Ako moadto sa Amahan, kay ang Amahan halabaw pa kanako." [Juan 14:28]
l Si Hesus miingon "Ako mokay-ab o misaka ngadto sa akong Amahan, ug inyo usab nga Amahan, ug sa akong Diyos, ug inyong Diyos." [Juan 20:17] Kong si Hesus Diyos, nan nganong moingon man siya, "sa akong Diyos, ug sa inyong Diyos," ug kang kinsa siya mikay-ab o misaka?
Kon si Hesus Diyos, klaro unta niyang gisultihan ang mga katawhan sa pagsimba kaniya, ug aduna usab nga klarong mga bersikulo sa Bibliya nga naga-ingon niini; apan hinoon gibuhat niya ang balikgtad nga pag-buhat ug wala gi-oyunan ang si bisan kinsa nga nagasimba kaniya: "Ug sa kawang lamang, sila nagasimba kanako."
[Mateo 15:9]
‘’Anak sa Ginoo’’
Ang ubang mga Kristyano naga-angkon nga si Jesus mao ang Anak sa Diyos. Unsa man gyud ang gipasabot niini? Sigurado nga ang Dios layo sa pagbaton ug pisikal ug literal nga anak. Ang mga tawo adunay tawhanong mga anak. Ang mga iring adunay mga kuting. Unsay buot ipasabot sa Diyos nga makabaton ug anak?
Imbes nga literal nga sabton, atong makita nga ang termino nga "Anak sa Dios" simbolikong gigamit sa pinakaunang mga pinulongan sa Bibliya para sa usa ka "matarong nga tawo", ug gigamit alang kang David, Solomon ug Israel - dili lamang para kang Jesus: ". .. Israel mao ang akong panganay nga anak nga lalaki,” (Exodo 4:22). Sa pagkatinuod, bisan kinsa nga matarong gitawag nga 'anak' sa Diyos: "Ang tanan nga gitultolan sa Espiritu sa Diyos mga anak sa Diyos." [Roma 8:14]
Bubble: “Dili angay sa (kahalangdon sa) Allah nga Siya manganak ug anak nga lalaki. Siya Perpekto ug Walay Kapintasan! Sa diha nga siya mohukom sa usa ka butang, siya moingon lamang niini, 'Mahimo' ug kini mahitabo." Quran 19:35
‘’Ang Amahan ug ang Ginoo’’
Sa susamang pamaagi, kon ang pulong '''Amahan' gigamit sa pagtumong sa Diyos, dili kini angayng sabton nga literal. Hinunoa, nga kini usa ka pamaagi sa pag-ingon nga ang Diyos mao ang magbubuhat, tigpaluyo ug tighatag, ug labaw nga agalon sa tanan. Adunay daghang mga bersikulo nga atong dapat masabtan kining simbolikong pasabot sa pulong nga ‘'Amahan’', pananglitan: "Usa ra ka Dios ug ang Amahan sa tanan."
[Efesyo 4:6]
Usab, si Hesus usahay gitawag nga ''Ginoo’' sa iyang mga disipulo. Kini nga termino gigamit sa orihinal nga mga pinulongan sa Bibliya, alang sa Diyos maingon man sa mga katawhan nga hingpit gikoptan pag-ayo. Pananglitan, sa Grekong Bag-ong Testamento, ang termino nga kyrios gigamit usab pareho sa 'Ginoo' ingon man usab sa pagngalan sa tag-iya sa mga ubasan (Mateo 20:8), ug sa agalon nga nagbunal o nagapasakit sa musukol o dili motuman (masinupakon) nga mga sulugoon
(Lucas 20:42-47) .
Sa ubang bahin sa Bibliya, si Hesus gitawag pa gani nila nga ‘'alagad’' sa Diyos sa mga didpolo: "Ang Diyos sa atong mga katigulangan, naghimaya sa iyang alagad nga si Jesus." [Buhat 3:13] Kini tin-aw nga nagpakita o nagapasabot nga terminong 'Ginoo' gigamit sa pagtumong kang Hesus, kini mao lamang ang titulong pagtahod, dili sa pagka-Diyos.
Maana-ay mga pagsulay gihimo sa pagpatin-aw o pag-han-ay sa kakomplikado nga mga niining mga isyu sa kinaiyahan sa Diyos ug sa kinaiyahan ni Hesus, nga mahimong makalibog o dili makapatagbaw. Bisan pa man, ang tamang punto nga dapat pangalandongan mao: Ngano man nga himuon kini sa Diyos nga lisud sabton? Sa unsang paagi kining komplikado nga mga pagtulon-an itandi sa yano lamang, tin-aw ug putli nga mga pagtulon-an sa konsepto sa Diyos sa Islam?
Hesus: Ang Propeta
Sa mga Judismo, si Hesus (ang kalinaw maanaa kaniya) gilimod nga siya Mesiyas. Sukwahi kaayo kini sa Kristiyanidad diin siya gisimba ingong usa ka diyos, o anak sa Diyos. Ang Islam mikuha sa tunga-tunga nga yuta ug miila kang Jesus ingon nga usa ka halangdon nga Propeta ug Mensahero sa Dios, ingon man ang Mesiyas, apan ang mga Muslim dili mosimba kaniya - kay ang pagsimba kay alang lamang sa Dios nga nagbuhat kang Jesus ug sa tanan nga anaa na.
“[Si Jesus] miingon, ‘Sa pagkatinuod, ako ang ulipon ni Allah (ang Diyos). Siya naghatag kanako sa Kasulatan ug naghimo o nagmugna kanako nga usa ka Propeta.'”
Quran 19:30
Ang Milagrosong Pagka-buhi o Pagka-himugso
Sumala sa Quran, si Anghel Gabriel gipadala ngadto kang Maria, ang halangdon nga birhen, sa panagway sa usa ka lalaki, nga nagapahibalo kaniya sa usa ka bata nga milagrosong matawo nga walay amahan.
“Siya [Anghel Gabriel] miingon, 'Ako usa lamang ka mensahero sa imong Ginoo aron sa pagpahibalo kanimo sa gasa sa usa ka matarung nga anak nga lalaki.' 'Unsaon ko pagkabaton ug usa ka anak nga lalake?, sa makita nga walay lalaki nga mihikap kanako, ug ako dili mahugaw?' ' Siya miingon, 'Mao kini ang mahitabo]. Ang imong Ginoo nag-ingon, "Kini sayon alang Kanako, ug Among himoon siya nga timaan sa katawhan ug usa ka kaluoy gikan Kanako. Ug kini usa ka butang nga nahimo na.”o mahitabo ” Quran 19:19-21
Ang uban mi-ingon nga ang iyang milagrosong pagkatawo maoy ebidensiya ni Hesus sa iyang pagka-balaan. Apan, si Hesus dili mao ang naunang mitungha nga walay amahan, kay si Propeta Adan (saw) sa wala pa siya, walay amahan o inahan. Ang Dios nag-ingon:
“Ang panangway ni Hesus sa atubangan sa Dios sama ra usab kang Adan; Iyang gibuhat siya (Adan) nga gimugna gikan sa abog, unya siya miingon kaniya: 'Mahimo', ug siya mao na. Kini mao ang kamatuoran nga gikan sa inyong Ginoo, busa ayaw pag-apil sa mga makiglalisay’’.
" Quran 3:59-60
Kung si Hesus gisimba tungod sa walay amahan, nan si Adan mas takos nga pagasimbahon tungod kay siya gilalang nga walay mga ginikanan.
Mga Milagrong nahimo ni Hesus
Si Hesus milagrosong gipanamkon nga walay amahan ug nakahimo usab ug dagkong mga milagro pinaagi sa kabubut-on ug pagtugot sa Diyos.
Siya misulti og nakasulti nga siya usa pa ka bata nga maana-a sa duyan aron sa pagpanalipod sa iyang inahan batok sa mga katawhan nga nag-akusa kaniya sa pakighilawas. Ang Quran usab nag-ingon nga si Jesus mihatag ug kinabuhi sa mga patay o nagbuhi sa mga patay, gi-ayo niya sanglahon ug ang mga buta - ang kining tanan nahitabo pinaagi lamang sa kabubut-on sa Dios.
Ang kamatuoran nga si Jesus (ang kalinaw maanaa kaniya) naghimog o nagpakitag mga milagro wala kini magpasabot nga siya labaw pa sa usa ka mapaubsanong alagad sa Diyos. Sa pagkatinuod, daghang mga Mensahero ang nagbuhat og nagpakitag mga milagro, apil na sila Noah, Moses ug Muhammad (ang kalinaw maanaa kanilang tanan) ug kini nga mga milagro nahitabo lamang pinaagi sa pagtugot sa Dyios, aron mapakita ang pagkatinuod sa mga Mensahero.
Ang Mensahe ni Hesus
Ang mga Propeta sa Kara-ang Tugon o Testamento sama nila Abraham, Noe ug Jonas wala gayud magwali nga ang Diyos kabahin sa usa ka Trinidad, ug wala mosalig o motoo kang Hesus ingon nga ilang manluluwas.
Simple ra ang ilang mensahe: nga adunay usa ra ka Diyos ug Siya lamang ang angayan nga inyong pagasimbahon. Dili makatarunganon nga ang Diyos magpadala ug mga Propeta sulod sa liboan ka mga tuig uban sa susamang mga importante nga mensahe, ug sa kalit lang nga pag-usab niini ?, pag-angkon nga Siya karon usa na ka bahin o parte sa trinidad ?, ug sa pagtakda sa pagtuo sa pagka-balaan ni Hesus aron siya maluwas.
Ang tinuod mao, nga si Jesus nagwalia o naga-sangyaw sa samang mensahe sa tanang mga Propeta sa Karaang mga Tugon o Testamento. Adunay usa ka tudling sa Bibliya nga nagpasiugda gayod niining kinauyokan nga mensahe. Ang Usa ka tawo miduol kang Hesus ug nangutana, "Unsa man ang pinaka unang sugo sa tanan?" Si Hesus mitubag, "Ang una sa tanang mga sugo mao kini, 'Pamati, kamo o Israel, ang Ginoo nga atong Diyos, ang Ginoo usa ra.'" [Marcos 12:28-29] Busa, ang labing dako nga sugo, ang labing importante sa pagtuo sumala kang Hesus, nga ang Dios usa ra gayud. Kon si Hesus Diyos, unta siya moingon, 'Ako mao ang Diyos, simbahon ninyo ako.' Hinuon, gisubli lang niya ang usa ka bersikulo gikan sa Daang Kasulatan nga nagpamatuod nga ang Dios Usa ra.
Kini nahiuyon sa misyon ni Hesus, nga gitudlo sa Islam, diin si Hesus gipadala ngadto sa mga Anak ni Israel aron pagpa-matuod sa mensahe sa mga nangaging mga Propeta – sa pagtuo ug pagsunod sa Usa ka Tinuod og nag-inusarang Diyos.
"Ug sa dihang si Hesus nagdala og tin-aw nga mga pruweba o ebidensya, siya miingon, '... Sa pagkatinuod, ang Diyos - Siya mao ang akong Ginoo ug inyong Ginoo. Busa siya lamang ang paga-simbahon. Kini mao ang Tul-id nga Dalan lamang.'” Quran 43:63-64
Isip usa ka halangdong matinahuron nga Mensahero sa Diyos, si Hesus kabubot-ong nagpasakop sa mga sugo sa Diyos. Ingon niana, siya usa ka "Muslim" - nga nagatumong sa mga si bisan kinsa nga nagapasakop sa kabubut-on ug mga sugo ug mga pulong sa Diyos.
Si Hesus sa Islam
Si Hesus usa ka halangdon nga Propeta nga gipadala sa Diyos aron sa pagtawag o manawagan para sa pagsimba sa usa ka Ginoo lamang.
Kini makita sa Bibliya ug gipamatud-an sa Quran. Ang pagtuo sa Islam bahin kang Jesus nagpatin-aw kung kinsa ang tinuod nga Jesus, samtang gipadayon ang putli nga pagtuo bahin sa Diyos ug sa Iyang hingpit nga Pagkahalangdon, Pagkatalagsaon ug Kahingpitan.
Kami nagadapit kanimo sa pagtan-aw o pagtuki pa sa dugang ug pag-imbistigar sa Islam. Dili lang kini laing relihiyon. Kini mao ang sama sa mga mensahe nga ginawali ni Noe, Abraham, Moses, Hesus ug Muhammad – ang kalinaw maanaa nilang tanan. Ang Islam nagpasabut nga 'pagpasakop o pagpa-kupkop sa Diyos' ug kini usa ka natural ug kompleto nga pama-agi sa kinabuhi nga naga awhag sa usa nga hatagan ug igong pagtagad sa ilang relasyon gadtu sa Diyos ug sa Iyang mga binuhat. Ang Islam nagtudlo nga ang Dios mao ang Tanang-Matarong ug ang Tanang-Maluluy-on ug dili kinahanglan nga isakripisyo ang iyang kaugalingon sa pagpasaylo sa mga sala ni bisan kinsa nga "natawo sa sala". Ang Dios naghukom sa matag usa base sa ilang kaugalingong binuhatan ug ang matag usa manubag sa ilang kaugalingong binuhatan.
Ang Islam nagatudlo kanato sa paghigugma ug pagtahud sa tanang mga Propeta saGinoo, apan ang paghigugma ug pagtahud kanila wala magpasabot sa pagsimba o simbahon sila, tungod kay ang pagsimba alang lamang sa Diyos. Ang pag-ila kang Hesus ingon nga usa ka Propeta sa Diyos ug ang pagkahimo niyang usa ka Muslim wala magapasabut nga bag-uhon o isalikway nimo si Hesus. Kini mahitungod sa pagbalik ngadto sa orihinal ug putli nga mga pagtulon-an ni Hesus.