Description
“Walay kinutubdan ang imong Ginoo sa Iyang kaluoy…” Qur’an 6:147
Pagkat-on sa mga sukaranan
Ang Diyos nga Labing Gamhanan puno sa gugma ug kaayo ngadto sa iyang mga binuhat. Ang tanan nga mga panalangin ug kaayo dinhi sa kalibutan ug sa sunod pa, mga klaro nga pruweba sa Iyang Kalooy. Sa pagkatinuod, ang Islam nagtudlo nga ang Ginoo mas labaw nga maloloy-on ngadtu kanato kaysa sa atong kaugalingong mga inahan. Sa unsa nga paagi kini mahimong lain, kung ang pipila sa mga ngalan ug mga hiyas sa Ginoo nagalakip sa:
l Ang Tigdawat sa Paghinulsol;
l Ang Maluluy-on;
l Ang Mahigugmaon;
l Ang Mapailubon;
l Ang Labing Mapuangoron;
l Ang Labing Maluluy-on;
l Ang Tinubdan sa Pagkamaayo;
l Ang Labing Mahinatagon;
l Ang Tighatag
Kining tanan nga mga ngalan nagpakita nga ang Ginoo gihulagway pinaagi sa kalooy, pagkamaayo ug pagkamanggihatagon. Nagpamatuod sila sa kadako ug kahingpitan sa Iyang Kaluoy, nga Iyang gipanalanginan ang tanan Niyang binuhat. Kining mao nga paglalang gitumong sa Dios, sa dihang Siya miingon, “O anak ni Adan, kon ikaw moanhi Kanako uban sa mga sala nga halos sama ka dako sa yuta ug ikaw unya moatubang Kanako, nga wala mag-ingon nga kauban Kanako, dad-on Ko ikaw. ang kapasayloan halos sama kadako sa yuta.”
Mga Ehemplo sa Kalooy ug mga Panalangin ni Allah
“Unya hain sa mga Panalangin sa imong Ginoo ang imong ilimud o ikalimud?” Qur’an 55:13
Sa tibuok-ang panginabuhi, ang mga katawhan padayon nga makadawat sa mga panalangin ni Allah, maski nga kini kahimsog, sa panan-aw, sa pangdungog, sa pagkaon, sa limpyo nga hangin, mga anak, bahandi ug dili maihap nga uban pa. Ang uban nagagamit sa ilang Diyosnong mga gasa sa salabutan ug pangatarungan sa pag-ila niini nga mga panalangin, pagsabot sa katuyoan sa ilang paglungtad, ug sa ingon gitugyan ang ilang mga kaugalingon ngadto sa Allah. Ang uban, bisan pa, wala magpasalamat sa Kaluoy sa Allah ngadto sa ilang kaugalingon, bisan pa nga Siya nagpakaon ug nagsustento kanila bisan pa man sa ilang pagkadili-masindanun ngadto Kaniya. Gihatagan sila og paglihok, kalipay, kagawasan sa paghunahuna ug pagbuhat o paglihok, bisan pa sa ilang dayag nga pagdumili Kaniya. Ang ilang pinaka- presensiya dili mahitabo, kon dili pa tungod sa Kalooy ni Allah.
Ultimately, everyone has the free will to acknowledge their blessings, use them in a manner ordained by Allah (the Lord of mankind) and worship Him alone. Below, we have outlined a glimpse of such blessings, because “... if you were to try and count the favours of Allah, you could not enumerate them. Indeed, Allah is Forgiving and Merciful.” Qur’an 16:18
Giya Pinaagi sa Balaanong Kasulatan ug mga Propeta
“Kini Siya mao ang nagapadala sa Basahon (ang Qur’an) nganha kanimo (Muhammad) uban ang kamatuoran, nga nagpamatuod sa kung unsay nauna pa niini. Ug Iyang gipadala o gipababa ang Taurah ug ang Injeel (ang orihinal nga mga pagpadayag nga gipadayag ngadto sa mga Propeta nga si Moses ug Hesus).” Qur’an 3:3
Gikan sa sinugdanan sa paglalang, ang katawhan wala gipasagdan nga moatubang sa mga pakigbisog sa kinabuhi nga nag-inusara. Tungod sa Kalooy sa Ginoo, ang kayawhan nakadawat og pagpadayag pinaagi sa mga Propeta, kinsa mipadangat ug mitudlo niini ngadto sa ilang katawhan aron sa paggiya ug pagpanalipod kanila. Ang labing hingpit ug maloloy-on sa mga pagpadayag mao ang Qur'an ug ang katapusan sa mga propeta mao si Muhammad (ang pakigdait maanaa kaniya).
Ang Qur'an - ang katapusang pagpadayag - mipuli ug nagwagtang sa nangaging mga pagpadayag, ug mao ang katapusang kalooy ug giya alang sa katawhan. Sama nga ang Ginoo nagpadala ug mga Mensahero kaniadto, nagpadala usab Siya sa katawhan ug usa ka buhi, hingpit ug praktikal nga panag-ingnan kung giunsa ang mga pagtulun-an sa Qur'an sa kalooy ug hustisya nga kinahanglan nga praktikal nga magamit sa atong pang adlaw-adlaw nga kinabuhi. Ang ehemplo niini mao si Propeta Muhammad (saw) - mao kini ang kalooy sa katawhan.
"Ug Kami (Diyos) wala nagpadala kanimo (Muhammad) gawas lamang sakalooy alang sa mga katawhan." Qur'an 21:107
Ang mosunod mao ang pipila lamang sa mga pulong sa Propeta nga nagpaila sa iyang kalooy, pagkamabinati-on, pagka-matugtanon ug matahum nga mga pagtulun-an:
l "Ang pagkamabinati-on dili makit-an sa bisan unsang butang gawas nga kini makadugang sa iyang katahum, ug dili makuha gikan sa bisan unsang butang gawas nga kini naghimo nga kulang."
l "Ang labing hingpit sa mga magtotoo sa pagtuo mao ang labing maayo kanila sa kinaiya."
l "Dili siya perpekto nga Muslim nga mokaon sa iyang pagkabusog samtang ang iyang silingan gigutom."
l "Si Allah dili magpakita ug kaluoy kaniya nga wala magpakitag kaluoy sa uban."
Unsa ka desperado nga kita, isip usa ka katilingban, ug niining mga panahona, nagkinahanglan sa ingon ka nindot nga tambag?
Ang Kalooy ngadtu sa mga binuhat
Ang paglalang sa mga tawo ug ang tanan nilang mga galamhan usa ka dakong kaluoy sa iyang kaugalingon. Ang kamatuoran nga kita makagawas sa higdaanan, magtrabaho, mokaon, magdula ug matulog kinahanglan makahimo kini kanato nga mapasalamaton.
“Ug gikan sa Iyang Kalooy alang kaninyo gimugna niya ang gabii ug ang adlaw aron kamo makapahulay niini ug [sa adlaw] mangita gikan sa Iyang Kaayohan ug [nga] tingali kamo mahimong mapasalamaton.” Qur’an 28:73
Ang kapikas mao ang usa sa labing dako sa mga kalooy, ug usa ka pamaagi sa kalinaw ug pagmahal.
“Ug sa Iyang mga ilhanan mao nga Siya nagbuhat alang kaninyo, gikan sa inyong kaugalingon, mga kapikas aron kamo makakaplag ug kalinaw diha kanila; ug Iyang gibutang sa taliwala kaninyo ang pagmahal ug kalooy. Sa pagkatinuod diha niana ang mga ilhanan alang sa mga tawo nga naghunahuna.” Qur’an 30:21
Ang laing kaluoy mao ang kamatuoran nga Iyang gilalang kita nga walay sala ug dili kita manubag hangtod sa edad sa pagkahamtong ug paghimog desisyon. Kini lahi ra kaayo kumapara sa konsepto sa "Original Sin" sa Kristiyanismo.
Ang kapasayloan sa mga sala maoy laing pa usab nga ehemplo sa Kaluoy sa Allah, isip nga si Allah nahibalo nga kita dili hingpit ug makahimog mga sayop. Ang kamatuoran nga ang mga magtutuo nakahimog mga sala wala magpasabot nga kita nawad-an og paglaom sa Kaluoy ni Allah o nga nahurot na nato ang kapasayloan ni Allah.
“O Akong mga alagad nga nakalapas batok sa ilang mga kalag! Ayaw kawad-an ug paglaum sa Kalooy sa Diyos kay ang Diyos nagapasaylo sa tanan nga mga sala: kay Siya mao ang Kanunay nga Mapasayloon, Labing Maluluy-on.” Qur’an 39:53
Bisan ang mga mananap o hayop dili gawasnon sa Kaluoy ni Allah. Sila adunay mga katakos sa pagpamati ug panan-aw, gitagan-an ug sustento ug mga anak, ug gihatagan ug daghang uban pang mga panalangin. Ang Kalooy sa Allah mitabon kanila sa punto nga tungod sa usa ka bahin sa Kalooy ni Allah gipadala sa yuta, “...Ang iyang mga binuhat maloloy-on sa usag usa, mao nga bisan mga baye mopataas sa iyang kuko palayo sa iyang mga batang anak nga mananap, aron dili mayatakan kini.” Ang Maluluy-on nga Magbubuhat nagasiguro nga ang matag binuhat gibantayan o nabantayan - batok mga sa isda sa kahiladman sa kadagatan, ngadto sa mga insekto sa yuta, ug sa mga langgam sa kalangitan - ang tanan ginapaluyohan og ginahatagan Niya.
Unsaon Pagdugang o Patas-an ang Kaluoy ni Allah Kanato
"Sa pagkatinuod, ang kaluoy ni Allah duol sa mga nagbuhat ug maayo." Qur'an 7:56
Tungod sa Kalooy sa Ginoo, Siya misaad nga pasayloon ug ginapasaylo ang si bisan kinsa nga mosunod sa angayan nga pama-agi sama sa gihisgutan sa mosunod nga bersikulo:
“Ug sa pagkatinuod, Ako sa matinud-anong nagapasaylo kaniya nga naghinulsol, mituo (sa Akong Pagkausa, ug walay laing ipakig-uban sa pagsimba Kanako) ug nagbuhat sa matarung ug mga hingpit nga buhat, ug unya nagpabiling makanunayon sa pagbuhat niini.”
Qur’an 20:82
Parte ug bahin sa pagbaton sa husto o tama pagtuo mao ang pagtuo ug pagsunod sa kataposang Mensahero, si Muhammad (ang kalinaw maanaa kaniya).
Sa laktod nga pagkasulti, ang mga tawo nga nakadawat ug dugang nga Kaluoy ni Allah mao kadtong miila sa Iyang mga panalangin ug mga pabor; gamita kani sa paagi nga makapahimuot sa Diyos; migasto sa ilang hinatag sa Ginoo nga bahandi diha sa gugmang putli ug sa pag-atiman sa mga timawa; migamit sa ilang mga kamot sa pag-atiman sa mga ulila; migamit sa ilang mga gasa sa panulti ug sa pagsulti og maayohon; ug mihimo sa uban pang mga dungganon nga mga buhat nga gi-ordena o gimando sa Diyos.
Ang Propeta (ang pakigdait anaa kaniya) miingon: "Allah magpakita ug kaluoy niadtong nagapakitag kaluoy sa mga katawhan. Ipakita ang imong kaluoy sa mga naa sa yuta - ug ng Usa nga atua sa langit magpakita ug kaluoy kanimo."
Ang mga anaa sa ubos, mao ang mga pipila ka paraan para makab-otan ang Kalooy sa Ginoo.
"Tumanon og tahuron si Allah ug ang Mensahero aron kamo makabaton ug hingpit nga kalooy." Qur'an 3:132
Pinaagi sa pagsunod sa mga pagtulon-an sa kalooy ug hustisya nga makita sa Qur'an: "Ug kini usa ka bulahan nga Basahon maoy Among gipadayag; busa sunda kini ug panalipdi imong kaugalingon (batok sa dautan), aron ang kalooy mapakita kanimo." Qur'an 6:155
"Pagpadayon sa pag-ampo ug pagbayad sa gipa-ugmat nga pinansiyal nga tabang (ngadtu sa mga nanginahanglan) ug tumana ug tahura ang Mensahero, aron ang kaluoy mapasindangat kanimo." Qur'an 24:56
Kinasingkasing nga mangayo ug Kaluoy sa Diyos. “Atong Ginoo! Ayaw himoa nga motipas ang among mga kasingkasing human nimo kami matultolan sa husto ug matarung, ug hatagi kami ug kaluoy gikan kanimo; sa pagkatinuod Ikaw mao ang Tighatag.” Qur’an 3:8
Ang Kalooy ug mga Tulubagon
Kasigbit sa mga kinaiya sa Kalooy ni Allah, mao ang Iyang kinaiya-iyahan sa Hustisya. Si Allah ang Labing Maluluy-on,
“Sa pagkatinuod, alang sa mga Matarung, ang mga Tanaman sa Kahimuot, diha sa atubangan sa ilang Ginoo. Ato ba unyang tagdon o itratar ang mga magtutu-ong Katawhan sama niadtong wala motuo? Unsa may problema nimo? Giunsa nimo paghukom?”
Qur’an 68:34-36
Apan usab pa, Siya pud usab Maabtik sa Pag-ihap. Ang usa dili makasulay sa paglimbong sa Allah ug sa pagpahimulos sa Iyang Kaluoy pinaagi sa makanunayong pagbuhat sa samang mga sala nga walay sinsero nga paghinulsol o pagresolba nga dili na mobalik sa sala pag-usab.
“Ug walay epekto ang paghinulsol niadtong nagpadayon sa pagbuhat ug daotang mga buhat hangtod nga ang kamatayon mag-atubang sa usa kanila ug siya miingon: 'Karon ako naghinulsol, maingon pud ngadtu sa mga nangamatay nga dili magto-tuo.’’ Qur'an 4:18
Ang mga Muslim gidasig sa pagbaton ug paglaom sa ganti alang sa ilang mga maayong mga buhat, samtang nabalaka sa mga sala nga ilang mahimo. Kon sila makasala, sila kinasingkasing nga maghinulsol, ug malaumon nga mapasaylo. Ug sa katapusan, nabati nila nga nakontento sila sa mga pulong sa ilang Magbubuhat, ug gitipigan kini sulod sa ilang mga kasingkasing:
"Sa pagkatinuod si Allah mao ang Labing Malumo, Kanunay nga maloloy-on sa mga katawhan." Qur'an 22:65