Mga lit-ag ni satanas مكائد الشيطان

"Sa pagkatinuod si Satanas usa ka kaaway ninyo, busa isipa siya nga usa ka kaaway..." Qur'an 35:6

Pagatun-an ang inyong Releiyon

Ang maalamon nga tawo mao nga siya nagatuon sa mga estratehiya sa iyang mga kaaway ug naghimo sa mga panagana o pang santa ug mga lakang aron mapildi sila. Ang imong Ginoo nagpasidaan, "Sa pagkatinuod si Satanas usa ka kaaway kanimo, busa isipa siya nga usa ka kaaway..." Qur'an 35:6

Kasaysayan ni Satanas (Iblis)

Si Satanas gilalang gikan sa walay aso nga kalayo. Bisag dili siya anghel, anaa siya sa ilang taliwala sa Langit tungod sa iyang pagsunod sa Allah (Diyos). Sa dihang gilalang ni Allah si Propeta Adan (ang kalinaw maanaa kaniya), Iyang gimandoan kadtong atua sa Langit sa paghapa atubangan ni Adan, apan si Satanas mibalibad tungod sa garbo ug pagkamapahitas-on, nga nag-ingon, "Ako mas maayo pa kay kaniya [Adan], Ikaw nagbuhat kanako gikan sa kalayo, ug naglalang kaniya gikan sa lapok.” Qur’an 7:12

Gitunglo ni Allah si Satanas ug gipapahawa siya sa Langit. Si Satanas nangayo ug higayon sa pagpahisalaag sa katawhan, ug gitugot ni Allah kini nga hangyo.

“Si [Satanas] miingon, ‘Tungod kay Imong gibutang ako sa kasaypanan, ako sa pagkatinuod molingkod sa pagbanhig alang kanila [katawhan] diha sa Imong tul-id nga dalan. Unya ako moanha kanila gikan sa ilang atubangan ug gikan sa ilang luyo ug sa ilang tuo ug sa ilang wala, ug ikaw dili makakaplag sa kadaghanan kanila nga mapasalamaton [Kanimo].” Qur’an 7:16-17

Ang mga Lit-ag ni Satanas

Kawalay pagtuo sa Pagka-usa sa Diyos

Ang pundasyon sa Islam mao ang pagtuo sa Kausahan sa Ginoo - walay kauban, managsama, anak o karibal. Kasukwahi niini, ang labing dako nga sala mao ang pag tandi sa kapares o kauban o patas kang Allah.

Ang mga pananglitan naglakip sa:

l Pagtultol sa pagsimba ngadto sa lain gawas sa Diyos (e.g. paghapa o pag-ampo sa lain gawas sa Diyos).

l Pagtugyan sa pipila ka mga hiyas sa Diyos ngadto sa ubang mga butang o binuhat (e.g. mga idolo/lucky charms).

l Pag-angkon nga ang Dios adunay anak, inahan o bisan kinsa nga kauban.

Sa ingon, ang pagtintal sa katawhan ngadto sa kawalay pagtuo mao ang pinaka-unang tumong ni Satanas. Apan, kon si Satanas dili makapahisalaag sa mga tawo sa pagbuhat ug tin-aw nga mga buhat sa kawalay pagtuo, siya modangop sa mas maliputon nga pamaagi, sama sa pagtuo sa mga patuo-tuo, mga anting-anting sa suwerte, astrolohiya ug pagpanag-an. Ang maong mga pagtuo sukwahi sa kamatuoran nga si Allah lamang ang adunay gahom ug kahibalo sa tanang butang, ug mao ang Bugtong Usa nga makahatag ug kaayohan o kadaot.

Mga Pag-usab o mga Pagbag-o sa Relihiyon

“...Akong gihingpit alang kaninyo ang inyong relihiyon...” Qur’an 5:3

Si Satanas magahaylo sa usa ka tawo sa pag-imbento ug sayop nga mga pagtuo ug mga pagbuhat ngadto sa Islam nga wala gi-mando o gisugo sa Diyos o ni Propeta Muhammad (ang kalinaw anaa sa ibabaw niya). Sa pagkatinuod, ang pagtuo nga ang Islam dili kompleto o dili hingpit nga gipadayag sa Diyos, sa ingon nagkinahanglan ug kabag-ohan, giisip nga dili pagtuo; tungod kay kini usa ka pagsalikway sa gipadayag ni Allah.

Kadaghanan sa mga kabag-ohan ang gipatuman sa parehas nga makuti nga pag-atiman sa usa ka relihiyoso nga pag-obserbar, ug gitan-aw nga ingon ka hinungdanon sa gipadayag sa Diyos. Dinhi nagbutang sa peligro, tungod kay ang mga tawo nga nagsunod sa mga kabag-ohan nagtuo nga ang ilang mga buhat gidawat, bisan kung sa tinuud sila nakahimog usa ka sala. Kini nga mga tigbag-o mabati nga dili kinahanglan nga maghinulsol, tungod kay wala sila makaila sa ilang sayup nga buhat.

Pagpasagad o pagkalimot sa mga Obligadong mga Buhat

“...Matuod, ang pag-ampo nagdili sa imoralidad ug sayop nga buhat...” Qur’an 29:45

Gusto ni Satanas nga "... ipahilayo ka gikan sa paghinumdom sa Allah ug gikan sa pag-ampo."

Qur’an 5:91

Ang Allah naghimo sa pipila ka mga buluhaton nga obligado sa matag Muslim, ang labing regular niini mao ang lima ka adlaw-adlaw nga pag-ampo. Busa, si Satanas nagatinguha sa paghimo kanato nga walay pagtagad o pagpasagad sa mga pag-ampo aron kita mas mahulog ngadto sa samot nga sala.

Ina-nay n nga pag-Pangilad

Gi asoy kanato ni Propeta Muhammad (saw) kung giunsa ang pagsimba sa mga diyos diyosan nasugdan o nagsugod, nga gipasi-ugda ang hinay-hinay ug mapailubon nga pagduol o pag-atake ni Satanas. Human mamatay ang usa ka grupo sa matarong nga mga tawo, gidasig ni Satanas kadtong mga nakapalibot kanila sa pagpatindog ug mga estatwa agig pasidungog kanila ug isip pahinumdom sa ilang pagkamatarong. Sa diha nga kana nga kaliwatan milabay na ug ang mga tawo nakalimot ngano nga ang mga rebulto gipatindog, si Satanas naglimbong kanila sa pagtoo nga ang ilang mga katigulangan nagasimba kanila, ug nga pinaagi kanila, ang ulan nitungha. Dayon ang mga tawo nagsugod sa pagsimba niini nga mga estatuwa.

Kining inanay nga pagpanglimbong gigamit sa daghang pamaagi. Pananglitan, gilimbongan ni Satanas ang mga tawo sa pagbuhat og mga mangil-ad sa pang-hilawas nga buhat: nagsugod kini sa usa ka pagtan-aw, nga mosangpot sa usa pag-isip-isip, dayon usa ka pahiyom, dayon usa ka daw inosente nga panag-istoryahanay, dayon pag-inusara ug sa katapusan, ang sala niini mismo.

Susama sa, pagtinguha sa pagpahunong sa mga katawhan sa ilang obligadong relihiyosong mga buhat, si Satanas sa sinugdan nagadani sa mga tawo sa paghunong sa ilang mapili-ang mga buluhaton sa pagsimba, nga nagtultol kanila sa pagkatapulan sa pagbuhat sa mga obligadong mga buhat. Gisulayan usab niya nga pakamenoson ang gagmay nga mga sala, nga sa katapusan magdala kanila paingon sa danlog nga bakilid ngadto sa dagkong mga sala.

Ang Pagpatahom sa Dautan nga mga Buhat

“...Ug gihimo ni Satanas nga madanihon ngadto kanila ang ilang ginabuhat.” Qur’an 6:43

Gipresentar ni Satanas ang mga sala ngadto sa katawhan sa mapuslanong kahayag, sama sa iyang paglimbong kang Adan ug Eva sa pagkaon gikan sa punu-an.

Si Satanas mihunghong kang Adan, nga nag-ingon, “O Adan! Dad-on ko ba ikaw ngadto sa punoan sa Kahangturan ug ngadto sa usa ka gingharian nga dili gayud mahanaw?’” Qur’an 20:120

“ ‘Ang inyong Ginoo wala magdili kaninyo niini nga kahoy gawas nga kamo mahimong mga anghel o mahimong walay kamatayon... Sa pagkatinuod, Ako kaninyo gikan sa mga sinsero nga mga magtatambag.’ Busa iyang gipatumba sila, pinaagi sa limbong. Ug sa dihang sila nakatilaw sa kana nga punu-an… ang ilang Ginoo mitawag kanila, ‘Dili ba Ako nagdili kaninyo gikan niana nga puno-an, ug misulti kaninyo nga si Satanas mao ang usa ka tin-aw nga kaaway ninyo?’ ” Qur’an 7:20-22

Bisan tuod si Adan gilibutan sa daghang mga gitugotan nga mga pagkaon, si Satanas midani kaniya sa pagkaon gikan sa kahoy nga ginadili. Sa susama, gilimbongan ni Satanas ang mga katawhan ngadto sa mga ginadili nga mga buhat imbes sa mga gitugotan, sama sa pakighilawas luyo sa kaminyoon, musika ibabaw sa Qur'an, haram nga kita sa nabontug nga halal, ug sa gamay nga porsyento sa gidili nga pagkaon ug ilimnon batok sa kasagarang maayo ug putli.

Arousing Desires

“Si Satanas nagsaad kanila ug nagpukaw og mga tinguha diha kanila. Apan si Satanas wala mosaad kanila gawas sa pagpang- limbong.” Qur’an 4:120

Ang matag tawo adunay mga tinguha ug mga tentasyon. Si Satanas nagdula niini ug nagadani sa mga tawo sa pagpatuyang sa hinalali nga katagbawan nga walay paghunahuna sa mga sangputanan. Kini mosangpot sa pagbasol ug pagpaka-ubos, diri ining kinabuhi o sa Adlaw sa Paghukom.

Pag-usik-usik sa Panahon o Oras

Kon si Satanas dili makabitik sa usa ka tawo ngadto sa pagpakasala, siya magahimo kanila nga magka-puliki sa walay hinungdan nga mga buhat nga walay kaayohan. Imbes nga gamiton ang atong panahon sa maalamong paagi, pagtuman sa atong mga prioridad ug pagkab-ot sa taas nga mga tumong, gi-okupar kita ni Satanas sa walay pulos nga mga buhat.

Unsaon pag-Santa o Pag-Pildi kay Satanas

“Sa pagkatinuod, si Satanas maoy usa ka kaaway nimo; busa isipa siya nga usa ka kaaway...” Qur’an 35:6

Ang unang lakang mao ang pag-ila kang Satanas nga atong kaaway: kon kita nakaila sa atong kaaway, mahimo natong pildihon siya. Ang gahum ni Satanas nag-una sa iyang abilidad sa paglimbong, busa kinahanglan natong masabtan ang iyang maliputon nga mga taktika ug pamaagi, aron mas mapanalipdan ang atong kaugalingon.

Mangayog Tabang kang Allah

Ang pagpangayo sa Allah alang sa Iyang panalipod ug sa pagsalig Kaniya lamang sa maong tabng, usa kini ka instromento sa pagpildi o sa pagsanta kang Satanas. Ang Surah Al-Falaq ug An-Nas nga naa sa Qu'ran mahimong gamiton sa kanunay nga pagpangita og proteksyon gikan ni Satanas ug kinahanglan natong ipamulong kini, kinahanglan natong ma-isip nga samtang kita buhi diri sa kalibutan, si Satanas dili gayod mohunong sa pagsulay sa pagpahisalaag kanato. Kinahanglan nga kanunay kitang magbantay ug kanunay nga mangayo sa giya ug proteksyon sa Allah.

Pag-pangayog Kapasayloan

Ang Propeta (saw) miingon, "Siya nga naghinulsol gikan sa sala sama sa usa nga walay sala." Ibn Majah

Kon magpadaog kita sa mga laraw ni Satanas, og sa Grasya ug Kaluoy ni Allah aduna pa kitay kahigayonan sa pagtul-id sa atong mga kasaypanan pinaagi sa pag-ila sa atong mga kasaypanan ug paghinulsol ngadto sa Allah.

Ang Propeta (ang kalinaw maanaa kaniya) miingon, "Si Satanas miingon ngadto sa Ginoo sa Himaya, 'Pinaagi sa Imong Himaya, O Ginoo, ako magpadayon sa pagsulay sa pagpahisalaag sa Imong mga ulipon samtang ang ilang mga kalag anaa sa ilang mga lawas.' ug ang Ginoo miingon, Pinaagi sa Akong Himaya ug Kamahalan, Ako magpadayon sa pagpasaylo kanila samtang sila mangayo sa Akong pasaylo.' ” Ahmad

Aron madawat ang paghinulsol, kinahanglan kini sinsero kini, inuuban sa katuyoan nga dili na aghimo pag-usab sa sama nga sala.

Likayi ang Makasasala nga Palibut

Sa dihang gidid-an ni Allah si Adan gikan sa usa ka partikular nga kahoy, wala Siya moingon, "ayaw pagkaon gikan niini nga kahoy" kondili, "ayaw pagduol niini nga kahoy." Qur’an 2:35. Busa kinahanglan natong ipahilayo ang atong mga kaugalingon sa bisan unsang matang nga maoy sangpotanan sa pagpaka-sala.

Hupti o Kupti ang Maayong Kauban

Ang Mensahero sa Allah (ang pakigdait anaa sa ibabaw niya) nagtambag, "Ang usa ka tawo anaa sa dalan sa iyang suod nga higala, busa pag-amping kon kinsa ang imong higala." Tirmithee

Ang kompanya nga imong gihuptan kusog nga nakaimpluwensya sa imong mga desisyon ug aksyon. Ang maayong mga kauban magpahinumdom kanimo bahin sa Allah ug magdasig kanimo sa pagbuhat ug maayo, samtang ang daotan nga kauban mogiya kanimo sa mga kamot ni Satanas.

Pagbuhat ug Maayong mga Buhat

Ang maayo kaayong pamaagi sa pagpildi kang Satanas. Kon ang usa makiglambigit sa ilang panahon sa kaayohan, sila dili na maimpluwensiyahan sa mga limbong ni Satanas.

"Ug kung ang usa ka daotan nga sugyot moabut kanimo gikan ni Satanas, nan pagdangup og mudangop kang Allah. Sa pagkatinuod, Siya Nakadungog ug Nakahibalo.”

Qur’an 7:200

Panapos nga salaysay o Katapusang mga Pulong

Ang gubat o gyera batok kang Satanas madaog lamang kon kita nahibalo sa iyang mga lit-ag, ug kon atong gamiton ang mga estratehiya sa pagpildi kaniya. Sa Adlaw sa Paghukom, si Satanas mokumpisal sa iyang mga sala ug kadautan. Siya mopahayag sa atubangan sa tanan nga mga binuhat nga si Allah mao ang Usa nga nagsulti sa kamatuoran ug nga siya (Satanas) usa ka bakakon.

Among gihangyo ang Allah nga Makagagahum, pinaagi sa Iyang labing matahum nga mga Ngalan ug halangdon nga mga Katangian, nga pasayloon ang among mga sala ug hatagan kami ug dangpanan gikan sa mga lit-ag ni Satanas.